C.Lalawmpuia's Blog

“Zaidam thin thawk chu a na” an ti teh fo a, a dik na chen pawh a awm mah na le. Phul hring dup hmun ah, inngeih taka Bawng rual tla lai Savawm in an tih buai chhen chuan, Bawng rual zaidam tak pawh an thin butut a chhuak ve thei tho mai, chutiang Bawngrual thin rim chu Savawm te hian lo tawng in, Savawm te hi kimki chawih leh tawmin thap khawp in awm ta mai se mak tih vak tur pawh a ni lo, Savawm in Bawng rual thinthawk an tawng a ni ve mai. Mi thinrim tawng ve te

Read more »

High school luh ve laiin ka pa hian sana dial a Moonphase awm hi min bun tir a, Moonphase sana ah chuan Thlabial lai hmuh theihna hi a awm ve reuh va, hun dik thlap ah Thla (Moon) bial lai hi amah hian a rawn in her chhuak thin a ni. Tudang hriatpui lem loh a Thla bial dawn apianga sana dial ah Full Moon rawn in her lai lo chan chhuah te, sana dial a Full Moon rawn lang leh Thla bial lai tak kha a in ang chiah em tih lo en rual kha ho ang reng deuh chu ni mah se nawm na lai a awm ve tlat.

Read more »

Thuhma

“US Dollar nei ngah ber ban phar tur” ti ta se, a phar lo chiang ber te zingah ka tel ve ang, “US Dollar nei lo ber ban phar tur” ti leh ta se, an sawi zawh hma a ban phar hmasa zingah ka tel chiang viau bawk ang. “A nih leh US Dollar in World market hi engtinnge a khawih danglam thin a, Mizoram atanga investment kan lo tih ve nate ULIP (Unit Link Insurance Plan) leh Mutual Fund te hi engtin nge a tih chet thin a, Imported goods ho man hi ngatinge a to vek?” tiin zawhna rawn siam leh ta se, tukhum thak hiat a inngaihtuah mual mual chungin, buh nuaih in mahse zam na chhete awm map lo in mahni ngaihtuahna a lo awm ve tuna ka rawn sawi tur hi ka din chhuah pui ngam ka ring.

Read more »

Mutual Fund ah investment ka tih hmasak ber hian a hnu lawkah 2008 Bear Market (Stock market crash) nen khan a in nangching a kum 3 chhung a minus, kum  4 naah chuan a pung tlem awmin la chhuak ve a, mahse dah hun chhung chhut let khan kum 4 velah 10% vel punga lak chhuak kha a hlawkna pakhat mah awmin ka hre lo. Kum khat ah 3% vel a ni tihna a nia, awmzia awm lo reng reng, chumi vang chuan a nia fimkhur thu ah hetiang Price rally a awm dawn lo awm anga a awm chuan No Profit No Loss a  chhuah leh nghal vat zel ka duhna chhan hi, Price rally awm hma chiah khan va lut chat zel i la duh leh Price rally tur nghah hun chhung chu thla 4 aia tam pawh ni se a fuh zawk tlat. Market ah engmah risk awm miah lo a thlir ringawt te chu investment minus zat chhut tlut tlut ai chuan a thlan awm fe zawk. Bear Market/Stock market crash laia Mutual Fund leh ULIP  investment  lo tih chu thla tinin a MINUS zat ringawt chhut a nia, ho thei sit set em mai! Ka duh tawh lo hrim hrim

Read more »

Whipsaw hi a hming rawn put chhan tak chu Thing Mistiri in Ara a thing an zai laia Ara an nawr tawn chhen ang hian Price hi rei lo te chhung tan hian awmze nei lo in a chho thut a, a chhuk leh thut thin, hetianga Medium term trending pawh ni chuang lo a, price ni hnih khat chhung a chhoh thut a ,a chhuk leh thut ang hi Whipsaw tiin an sawi ta thin a ni. Hrilhfiahna dang leh chu Technical Analysis ah hian Chart pattern leh indicator chi hrang hrang atanga Entry signal a rawn lan hian, rin lawk loh ang zawng hian kal chang a nei thin a, chumi sawinan chuan Whipsaw hi hman a ni.

Read more »

Disclaimer:  Hetiang ang Entry signal ah hian professional tam tak in an BUY na thin leh ULIP ah Fund an switch na thin chu a nia, amaherawhcu hemi avang chuan Guaranteed Profit a ni kher lo tih kha hriat a tha a nia, Market a ni tih hriat reng a tha, a ni lo zawngin a vir thut thei chumi avang chuan Entry (BUY) hmain, market hi rin loh zawngin lo kal palh ta thut se chhuah lehna tur (Stop Loss) pawh plan siam lawk vek zel tur a ni, market ni lo zawnga kal vangin lo BUY si a, loss palh in awm chuan a ziaktu hian mawhphurna a nei lo ang, EDUCATIONAL PURPOSE atan chauh a ziah a ni tih kha hriat reng tur a ni.

Read more »

India Broker ho hian an client te hnenah hian nitin deuh thaw in point 2-10 vel lek lek hmuh theihna Company stock leitur a chang a dik a chang a dik lo Entry leh Exit signal, Technical Analysis hmanga an en hi an rawn thawn thin a, hemi vang hi a ni angem aw mi tam tak hian Technical analysis hi short term atan chauh a an ngaih na chhan hi tih te ka ngaih tuah mai mai thin. Technical Analysis ah chuan Short term a ni emaw Long Term a ni emaw market hmel hmang zuk thlir na ringawt a ni, hemi atang hian Trader ho in an strategy hman a zirin Long Term leh Short term atan an luh chilh ta mai thin chauh zawk a ni sia. Technical analysis ah hian Time Frame lian ah chuan kum 25 hma lampang daih a price pattern te kha an en let thin zawk a ni, kum 25 chin tawh te hi chu engtiang pawha teh in Short term a ni thei lo reng reng, mihring kum chhiar pawhin kum 25 damthleng hi malsawmna a ni der tawh. Thil inhmeh lo em em mai chu Timeframe lian hmangin kum 25 chhung backtest tawh hnu ah mi in short term trading ti ta daih se (ni hnih khat chhung lek), khatiang kha thil inhmeh lo lutuk a ni. A awmzia chu Short term trading ti duh in Timeframe hniam in Technical analysis an hmang mai a, Long Term trading ti duh in Time frame lian in Technical Analysis an hmang leh mai thin zawk a ni e.

Read more »

Dt 24 July 2011 (Nimin min leh) a post hmasa zawk “The Bears Growl: Update 3″ a chart kha ti lang leh ta phawt i la.

Read more »

Khawvela market lian ber Forex Market ah hian, Fx trader ho hian Short Term a market ti che vak thei ngaih chan em em thin an neih chu Economic calendar hi a ni. Tihian sawi fiah ta i la, Forex market ah chuan currency inthleng tawn na reng reng ah hian currency pair vek in an awm ta a, EURUSD tih a nih chuan Euro leh US Dollar in thleng tawnna kha a ni mai, chutiang zelin GBPUSD, USDJPY, AUDUSD, GBPJPY tih te hi rambung hrang pahnih currency in thleng na ang zel hi a lo ni ta a. Heng Currency pair te hi nitin in company stock price ang hian an che reng thin a (volatile), hetia a che hi Market Sentiment/ Psychology vang kan tih tawh kha, amaherawchu hetia an chet dan thin pangai aia nasa hian chet hun an nei thin a, chumi lai short term a Currency pair ti che vak thei tu chu Econonomic calendar vang hi an ni. Hetiang blog mai mai ah te chuan Economic Calendar hi a vai a ziah sen chi a ni lo a, mahse a langsar zual te chu:

Read more »