C.Lalawmpuia's Blog

(Maawma ninhlei na hmun)

Skip to: Content | Sidebar | Footer

The Bears Growl: Update 3

24 July, 2011 (16:38) | Bulls and Bears | By: admin

Khawvela market lian ber Forex Market ah hian, Fx trader ho hian Short Term a market ti che vak thei ngaih chan em em thin an neih chu Economic calendar hi a ni. Tihian sawi fiah ta i la, Forex market ah chuan currency inthleng tawn na reng reng ah hian currency pair vek in an awm ta a, EURUSD tih a nih chuan Euro leh US Dollar in thleng tawnna kha a ni mai, chutiang zelin GBPUSD, USDJPY, AUDUSD, GBPJPY tih te hi rambung hrang pahnih currency in thleng na ang zel hi a lo ni ta a. Heng Currency pair te hi nitin in company stock price ang hian an che reng thin a (volatile), hetia a che hi Market Sentiment/ Psychology vang kan tih tawh kha, amaherawchu hetia an chet dan thin pangai aia nasa hian chet hun an nei thin a, chumi lai short term a Currency pair ti che vak thei tu chu Econonomic calendar vang hi an ni. Hetiang blog mai mai ah te chuan Economic Calendar hi a vai a ziah sen chi a ni lo a, mahse a langsar zual te chu:

Read more »

The Bears Growl: Update 2

10 July, 2011 (22:41) | Bulls and Bears | By: admin

Post hmasa zawk “The Bears Growl: Update 1”  ah NAV ti che tu chu Nifty/Sensex a ni e, ka’n ti tawh a. Nifty/Sensex ti che tu hi enge ni ta ang le? Ngatinge a chet dan tur hi a lo chhut theih nachhan? Amaha che a lo ni hlei nem! a ti che tu chu keimahni mihring ho lek hi mawle! Chumi chu Market sentiments an ti, hemi vang hian Bull in engtik ah nge hma an rawn lak dawn tih te, Bear in engtikah nge hma an rawn lak hun tur kha Price chart ah hian a lo rin lawk theih ta thin a ni.  Ti hian sawifiah teh ang, Silchar leh Aizawl inkar ah lei min in kawng a dana kar khat chhung kawng a pin chuan, Mizoram a buhfai awmsa rate pawh a sang nghal ringawt zel, Krismas dawn a dawrkai/sumdawng in bungraw chah am a hralh hnem lo in rin lawk te, Krismas dawna thawmhnaw thar lei ngei ngei kan tum na rilru te, Diwali laia phai lama an in hralh hnem ang te hi mihring siam chawp Market sentiment vang mai mai chauh a ni. Chutiang chiah chuan Nifty/Sensex chhuk leh chho chekual vel hi engdang vang mah a ni lo, Investor/trader ho market sentiment vang lek a ni. FII kan tih te pawh mihring ve tho an ni. Chumi vang chu a nia market sentiment a Bearish emaw market sentiment a Bullish chuan khami market trend ang khan trade/invest ve mai tur an tih na chhan. “The Trend is your friend” an tih pawh hi khami market sentiment anga hmalak tur tih an sawi na kha a ni e.  A then phei chuan Crowd Psychology ti in an sawi mai. 

Read more »

The Bears Growl: Update 1

11 June, 2011 (22:08) | Bulls and Bears | By: admin

Unit Link Insurance Policy leh Mutual Fund ah kan investment ve ang chhun chhun te hi eng company pawh ni se India stock market (BSE/NSE) ah zuk lut an nih avangin Nifty/Sensex che hian a tiche ta ringawt mai a, ULIP/Mutual Fund a investment a punna leh hloh theihna chu he Index (Nifty/Sensex) che hian a rawn hril ta thin a ni. Nifty /Sensex te hi ULIP leh Mutual Fund (Diversified Equity bik) punna tehna ber Net Asset Value (NAV) tiche tu hi a ni. Sensex/Nifty a chet zawng hian eng company Mutual Fund leh ULIP tawh phawt NAV hi a che ringawt! Nifty/Sensex a san in NAV a sanga, Nifty/Sensex a hniam in NAV a hniam ve leh mai thin. Hemi hi Diversified Equity ah chuan a ni deuh vek a ni. Awlsam zawngin NAV tiche tu ber hi Nifty leh Sensex te hi an ni. Nifty/Sensex hniam laia Mutual Fund leh ULIP a bikin Diversified Equity ho bikah NAV lo sang tlat hmuh tur a awm lo.          

Read more »

Every battle is won before it is even fought (Thawh khatna)

11 May, 2011 (13:06) | Bulls and Bears | By: admin

 Stock market awmzia hi internet lamah mithiam tam takin Lusei tawngin rawn sawifiah nual thin mahse ENGTIA TIH TUR NGE? Tih lam hi Lusei tawnga chhiar tur a la awm tlat lo mai a, hemi vang hian Mizo te hi Chiahpuam atang tawh khan bum kan la tawk fo mai, Stock market awmzia la hre miah lo tan leh Stock market trading han luh chilh chhin duh tan pawh engtia hma lak tur nge tih ringawt pawh hi a bangbo theih khawp mai. Trading hi kan chemkal na tur lam a nih leh nih loh hre tur tak ngial pawh in thuziak emaw inkaihhruai na kan nei tlat lo a tin ni e. Stock market investment chung chang a beginner guide lehkhabu mi tam tak ziah pawh hi hriat thiam a la har cheu. Chumai bakah Lusei tawnga hetiang lam pang a thuziak hi a la awm miau si loh avangin  in sit tak chungin, hriat thiam awlsam thei  ber turin ka rawn thai lang ve ta chauh mai a ni e. He thuziak hi Trading Tutorial emaw stock market atanga billionaire na emaw a ngaih miah loh tur a nia, Mizo pa Tapchhak ti ti a inhrilhfiah na ang lek ah ngaih tur, a nih loh pawhin mi tamtak lehkhabu “Beginner guide” an ziah hriat awl leh zual na anga ngaih chauh tur a ni e. “`Stock Investing for dummies” FOR DUMMIES ang velah ngaih tur a ni. A leh lam zawng ve thung chuan hetiang ang taka ziahna hi internet ah pawh hmuh tur a vang deuh mai thei, a chhan chu Trader ho hian midang an hrilh ngai meuh lo. An sawi chhuah pawhin a man a tlawm mawh viau. Mizo zingah hian nakin ah chuan hnam dang angin Financial/Capital market trader (Day/Intraday & Swing Trader) hi kan la awm teuh ka beisei tlat a ni.

Read more »

The Bears Growl

10 April, 2011 (23:51) | Bulls and Bears | By: admin

“Savawm hian a kut/ke hma hma lam hi thil ben thlak nan a hman ang hian market price rawn chho tur pawh Bear hian a beng thla thin a, chutiang chiah in Bawng hian a ki in chho zawngin a pir chho ve thung thin a, chumi ang chuan price pawh hi a pir chho ta thin a ni” an tia, hemi vang hian Bear leh Bull market hming hi a rawn put phah ta a ni. Tunlai India Stock market awm dan hi min rawn zawt tu an awm tak nual avangin, sawi ringawt aia a lo fiah deuh zawk takin Blog lamah ziakin dah  law law hi fuh zawk awm mange ka ti deuh va, kimchang lo takin ka’n thai lang ve leh ange.    

Read more »

Stock Market Crash or a Simple Fibonacci 76.4% Ratio

8 April, 2011 (23:19) | Bulls and Bears | By: admin

Thuziak hmasa zawk ah Sensex hlir rawn hmang thin a, tun tum chu Analyst leh Professional Trader ho in an hman uar zawk NSE (National Stock Exchange) index NIFTY hi hmang ve thung teh ang. Fibonacci Retracement hi hetah hian tlem hmuh tur a awm a Click here hetah pawh www.investopedia.com Fibonacci ratio hi Forex market ah phei chuan an hmang nasa hle  a ni. Trader community ah hian Fibonacci ratio rawn hmang tan tu leh rawn ti lartu te a ngaih WD Gann leh R.N Elliot te hi khawvel financial market awm chhung chuan an hming hi a dai tawh kher lo mai thei a ni. Anni hi awm ta lo se tunlaia Professional trader/investor tam tak hi an awm kher lo ang, chumi vang chuan hranghlui kal ta te WD Gann leh RN Elliot a te hi Trader ho zingah chuan tunlai trader rawn hlawhtling tam tak ai hian ngaihsan an la hlawh zawk tlat na chhan. WD Gann a phei hi chu Astrological trading te a hman tel avangin Bear leh Bull market awm hun tur kum leh thla te kha a sawi lawk dik thei vek a ni! Astrological trading hi hrechiang duh tan hetah hian a click theih e, [A ziaktu hian a Astrological trading hi a thiam tihna a ni kher lo a nia :-)] www.astro-trading.net.  Gann Method atang lo chuan hetiang ang a thlen hun tur kum leh thla sawilawk hi a theih loh tluk a ngaih a ni. Amaherawhchu WD Gann hian a trading strategy hi midang hrilh chhawng loin mual min liam san an ti tlat mai! “a lehkhabu thenkhawt te pawh hi a damlaia a ziah zawh hman loh chumi hnu a phuailuai deuh va an chhuah chhawn leh mai mai a ni” an ti hlawm. Chhiar chhunzawm duh tan hetah hian a click theih e.

Read more »

Tsunami Effect on Geppy

18 March, 2011 (12:12) | Bulls and Bears | By: admin

Japan a Tsunami thleng hian nghawng a nei nasa hle mai, internet a chhiar tur kan hmuh piah lamah pawh thil thleng tam tak a awm ngei ang. Fx market lamah pawh YEN chu nasa takin a chet phah a ni! Dt 16 March 2011 New york Closing, keini tan zanlai ah chuan GBPJPY chu a hniam ber laiin 123.253 a zuk hawlh zawk a, vawiin Dt 18 March 2011, Tokyo Session Closing keini tan Chhun dar 11:30 velah chuan 132.478 a han thleng leh phak a ni. Ni 2 chhung lekin 922 pips a che tihna a ni! GBPJPY (Pound/Yen) hi a hniam lai ber $1 US in lo BUY ni ta se, a san lai berah SELL leh ni ta se engzat chiah in nge $1 hi a chet theih tak le?? $1 x 922 pip = $922. Hemi chhut na hi Tsunami in a FX market a khawih chet nasat zia rawn tih lan na mai a ni.  Hetiang anga a hniam zawk a, a rawn chho leh zawk ang hi normal market condition ah a awm ngai meuh lo.

Read more »

Sensex Prediction Comes True!

17 November, 2010 (16:02) | Bulls and Bears | By: admin

Kha maw! ka tih reng kha. “Sensex hi a huhova an en leh na tur point chu 21000 a ni mai thei” tiin  Dt 3rd July 2010 a article “Sensex after 21000! Quo Vadis?” ah khan ka lo ziak ve mai mai a, hetah hian a la hmuh theih e Click here, hetah pawh hian a awm tho www.misual.com. Suangtuah (speculate) lawk ang ngeiin Dt 5 November 2010 a India Stock market Index rin rawl ber Sensex rawn in close na chu 21004.96 a rawn ni chat mai!  He mi hnu hian a tla leh daih! (Market crash/Bear Market tihna ni lo nia)  Indian stock market Index rinrawl ber mai SENSEX hian kha thuziak kha a lo chhiar a niang :-).

Read more »

Sensex after 21000! Quo Vadis?

3 July, 2010 (12:54) | Bulls and Bears | By: admin

2006  kum tir lam khan ka mi hriat hnaih tak pakhat Standard Chartered Bank a thawk chuan Bajaj Allianz Life Insurance Company Limited ULIP hi min rawn zawrh a, hetih lai hian Bajaj Allianz  ho kha Mizoram ah an la rawn lut lo a ni.  Mi han hrilh fiah vel chuan ngaihnawm ka ti kher mai, a pun that theih dan te, insurance a tan a that zia te min hrilh a, “kum 3 hnu lamah hi chuan a tlang pui thu in 30-40% vel te in stock market ah chuan a pung thei thin a ni” te a tia. Amah hi ka ring bawk a, inbumna lam a ni a ka hriat loh bawk avangin Bajaj Allianz ULIP ah chuan Dt 17/03/2006 khan ka invest ve ta nge nge a, Policy No 17670572 (Tunah chuan he policy hi cancel tawh a ni) . Heta min rawn kawh hmuh tu pa hi, pa fel vet vawt tak (Mizo ni lo), mahni in haiveng tak mai a ni bawk a, reilo te ah Standard Chartered Bank atang pawh in  HDFC SLIC ah leh TATA AIG ah a hotu lam nihna chelh turin a in sawn ta nghe nghe a ni.                     

Read more »

ASCII Art

5 June, 2010 (20:36) | --=[teCH{}TAlk]=-- | By: admin

ASCII (Ass-kee tia lam tur) tih chu “American Standard Code for Information Interchange” a nia. ASCII code chu Computer leh a kaihhnawh ho text hman ber hi an ni, Computer leh mobile ah te ABC kan chhut  thin ang hi ASCII code vanga lo awm tih zawng in sawi fiah mai i la. http://en.wikipedia.org/wiki/ASCII

Read more »