C.Lalawmpuia's Blog

(Maawma ninhlei na hmun)

Skip to: Content | Sidebar | Footer

Sensex after 21000! Quo Vadis?

3 July, 2010 (12:54) | Bulls and Bears | By: admin

2006  kum tir lam khan ka mi hriat hnaih tak pakhat Standard Chartered Bank a thawk chuan Bajaj Allianz Life Insurance Company Limited ULIP hi min rawn zawrh a, hetih lai hian Bajaj Allianz  ho kha Mizoram ah an la rawn lut lo a ni.  Mi han hrilh fiah vel chuan ngaihnawm ka ti kher mai, a pun that theih dan te, insurance a tan a that zia te min hrilh a, “kum 3 hnu lamah hi chuan a tlang pui thu in 30-40% vel te in stock market ah chuan a pung thei thin a ni” te a tia. Amah hi ka ring bawk a, inbumna lam a ni a ka hriat loh bawk avangin Bajaj Allianz ULIP ah chuan Dt 17/03/2006 khan ka invest ve ta nge nge a, Policy No 17670572 (Tunah chuan he policy hi cancel tawh a ni) . Heta min rawn kawh hmuh tu pa hi, pa fel vet vawt tak (Mizo ni lo), mahni in haiveng tak mai a ni bawk a, reilo te ah Standard Chartered Bank atang pawh in  HDFC SLIC ah leh TATA AIG ah a hotu lam nihna chelh turin a in sawn ta nghe nghe a ni.                     

Hun a rawn kal chho zel a, Bajaj Allianz a ka ULIP policy pawh in kum 3 a rawn hmang pumhlum ve ta der mai, a tlem bera 30% vel withdraw tum khan 20% bawr vel ka loss der! A tira min rawn zawrh tu pa lah kha a thiam avanga Standard Chartered Bank, HDFC Standard Life Insurance company ah leh TATA AIG a hna sang zawk hmu chho zel a ni mauh mai bawk si!!  Insurance lam ai mahin Rs 100 kha Rs 150 ah tih pun duhna rilru vanga Investment kha ti ve ka ni bawk si. Tum ang in a awm lo chiang kher mai. Mizoram ah Insurance company dang dang leh Mutual Fund Investmet tih theih na a awm ta nual a. Kei chauh lo pawh kum 4 hnu ah investment in ngai la awh pha lo sawi tur an tam kher mai le!! A pun dan tur an sawi lawk hi Insurance Agent te chuan an sawi dik lo pawh a ni thei, mahse company hotu lawk lam pawh in an sawi dik chuang lo! Keini a mipui lah in kan inkhawl sa tihpun duh avangin an sawi ang zawng zawng kan awih sak tawh mai bawk si, Financial institution lian a thawk te hi an hna ah chuan an tha tawp, sawisel na tur engmah an awm lo mahse speculative market ah kher kher hi chuan  an lo ring dik bik miah lo a  ni tih ka chian phah ta a ni.                     

Analysing The Indian Stock Market                     

ULIP ah leh Mutual Fund ah te investment kan ti nual tawh  hlawm ang, a punna tur zat hi tu te mah hian kan ring lawk thiam awm lo ve, a then te phei chuan 400% te a pung tur te pawh in kan beisei mai thei! A awm tho ve. Mahse thil pakhat hriat atana tha chu Pangpar pawh kui tiah hun a awm, a kuhmum hun a awm, a par hun a awm a, rawn vuai leh hun pawh a awm, he tiang chiah hian stock market ah pawh luh hun a awm,  invest rei hun chhung a awm a, a hun lo laia luh chuan kum 5 hnu ah pawh ngai awh reng emaw ngai awh phak loh na a ni mai.                     

Engzat chiah in nge kan investment, a bik in Mutual Fund leh ULIP hi a pun dawn i han chhut teh ang u le. “Stock Market a Investment chu Calculated Risk a lawm”  tih tawngkam pawh hi kan hmang uar ve tan ta viau va, mahse engtin nge Calculation chu an tih? Tun hma a Calculator nen NAV(Net Asset Value)  atang ringawt a ka lo chhut ve thin kha chu tlem in a lo famkim lo deuh. Tuna kan chhut dan tur hi keini tan chuan thil thar ni mahse, Western Countries a bik in United States ah chuan kum 100 chuang an lo hmang tawh a, Japan ah pawh hei aia rei fe hi an lo hmang tawh bawk a ni.                     

Mi tamtakin Investment kan tih uarna ber leh hriat lar ber na ULIP leh Mutual Fund innghahna bul pui ber mai BSE Index “SENSEX” leh NSE Index S&P CNX NIFTY or NIFTY chet dan atang hian sawifiah dawn ta i la, hemi te pahnih ah hian SENSEX ah lo thlur bing ta mai ila, hriat thiam a awl sam nan leh kan hriat lar zawk a nih vang in.                     

 12 May 2003 atanga thlir chuan Sensex chuan Bull market/UP Trend a tan a (a chho zawngin a kal tihna), Dt 10 Jan 2008 a san ber laiin Sensex in 21206.77 a han thleng phak, mahse hemi ni a market close na chu 20582.08 a ni thung, hemi hi kum 5 chhung teh meuh a ni! Hemi tuma Bull market a nihna chhan an puh ber chu FII (Foreign Institutional Investor) ho in India Stock market a an rawn invest vang ah an puh ber kha a nia, US $ Billion tel tak meuh meuh an rawn invest kha a nia! Ziaktu then khat phei chuan a hlawm a belh khawm in US$ 1 Trillion a tling an ti a ni! Hemi lai figure tak hi chu Statistician emaw Economist ho chhut turah dah ta mai i la. Heti zat sum an rawn vawm luh chuan Foreign Investor ho chu an awm mai mai hauh lo, an ram lama Financial market a an hman uar em em Technical Analysis (Price Movement/Price Chart atanga Market lo zir chianna leh a awm dan tur lo rin lawk theihna) hmangin awm ze neiin India stock market hi an lo analyse  reng emni aw a tih theih ang?  Khawthlang lama a Price movement an analyze thin angin thiam ang tawk in Sensex chet dan hi i han thlir chhin ve dawn ta i la, chuta Technical Analysis a kan hmanrua  turah chuan Western Technique leh Eastern Technique hmang kawp ta mai ila.                     

Price movement study/Technical Analysis a hman lar em em Eastern Technique ah chuan Japanese Candlestick hi hman nita sela.                     

Western Technique ah thung erawh chuan MACD indicator, Chart pattern, Elliot Wave or 123 method leh Channel hman ni leh ta mai sela, Long Term trend tak tak en tur a nih dawn avangin Pivot Points chu hmang rih loh ta mai ila. Heta Financial terms rawn hman ho hi www.investopedia.com ah khan hre chiang duh tan an ziak lang e.                     

12 May 2003 a tang a chart en vang vang khan Sensex chet dan khan awmzia a nei tlat! Kum 2003 hma thlir kha chuan awmzia nei miah lo chu a tih ngawt theih loh a, mahse kum 2003 hnu lam ah hian chhiar(Interpret)  theih khawp in awmzia a nei a ni. Stock market crash lai te kha FII hoin an tum reng vanga (self fulfilling prophecies) an rawn awm tir a tih theih ang em? Thlir zel ta i la. Heta chart rawn hman tur te hi www.finance.yahoo.com, www.icharts.in leh http://maawma.com/?page_id=365  ah khan a hmuh theih e.                     

Dt 12-May-2003 leh Dt 10 Jan 2008: Hemi inkar hi en chuan Strong UP trend (Bull Market) a ni, FII hoin an rawn invest a, market pawh mumal takin an analyze tih a hriat na chu Elliot wave leh Channel UP, Trend line te pawhin ngil takin a rin theih vek.  A trend kal chhoh dan thlir khan Channel Up, Elliot wave, Exponential Moving Average, Alligator te leh indicator dang dang nen a in mil em em mai a, Fibonacci te pawh a hman theih vek a ni.  A biling a balang in a tawng pawng chhoh lo, awmze neiin a chho a ni.                     

Click Pic to enlarge

  Dt 01-Nov-2007 to 10-Jan 2008 hi Trader or FII lama mithiam tam takin an lo thlir hun thup lai a ni. Uptrend tawp hun tur lai, rawn inlan na chu a ni Bearish Divergence tih a sawi a ni, helai hi High Higher High tih te pawh in sawi nasat a nia, hei hi MACD (Moving Average Convergence Divergence) or Stochastic  ah an en nasa ber thin. Hemi Bearish Divergence awm lai hian mi tam tak in Sensex kha chho zel turah ngaih a nih vangin investment ti an awm nual. Hetih hunlai Sensex 19000 a nih laia ULIP emaw MF a investment lo ti ho khan tunthleng in ngai an la awh ta lo a ni. Amaherawhchu he tih lai hi kan FII mithiam ten, market an thlir nasat lai ber tur a ni, engemaw phut thil thleng a awm veleh a zuan chhuah inpeih at a an awm hun lai a ni tawh a ni.                     

Click Pic to enlarge

   Dt 15-1-2008 to 27-10-2008: A hma a thla hnih chhung Bearish Divergence rawn lan hnu ah Bearish engulfing candle a rawn lang leh chiah a, hetah hian FII ho chuan an TP (Take profit) a thlen tak avangin  an investment tam zawk kha an withdraw ta a, tichuan market kha a tla thla ta duai duai mai a, stock market crash kan tih a kha a rawn ni ta a ni. Stock Market crash hi thil nih phung reng, nakinah pawh la rawn awm leh tur a ni a, Bubble ti te pawh a sawi a ni bawk. Financial terms ah chuan thil danglam tak pawh a ni chuang lo Bear Market/Down Trend a ni mai. Hetiang Bear market a rawn awm hian, tawp chin a nei dawn tih FII lama kan mithiam tak tak tekhan an hre vek, chumi tawp hun chu an chang leh ta ran mai.           

Dt 27 OCT 2008 – Dt 6-March-2009 inkar hi rei lo te Ranging Market a rawn ni a, hemi hun lai hi MP Election lai vel kha a ni. Dt 27 Oct 2008 ah khan Hammer  Candlestick ngei mai kha rawn langin, market close na pawh 8509.56 a rawn ni a,  a hniam tawp na a rawn ni ta chiah a ni,  mahse he Hammer candlestick rawn lan hian Uptrend a nih tir leh nghal ngawt lo, Downtrend a tawp dawn hnai  tih a rawn indicate mai chauh a ni. Tichuan Hammer candlestick rawn lan hnu ah a CONFIRM na tur kha chan leh thup a ni ta, Dt 6 March 2009 ah Piercing pattern candle in Support level a rawn tawk leh zauh ta mai a, hei ngei hi a UPTREND CONFIRMATION na ah chuan ngaih a nita a ni.                       

Click Pic to enlarge

  Hetia Bear Market/Down Trend a zawh hnu hian FII ho pawh in rawn luh na remchang an melh reng, MP Election te a zo ta bawk a, sorkar pangai a awm tih hriat chian a ni tawh bawk nen Down Trend in a thlen tawp a rawn thleng leh bawk nen, an rawn lut leh huk mai a, an rawn invest hnem leh bawk a niang, Sensex pawh  A ZUAN IN A RAWN ZUANG chho nghal dawrh mai!  Price a zuan chhoh zawk lai hi GAP tia sawi a ni bawk. Hei tak hi a nia Buy low Sell High an tih reng thin chu. Sum hlawm ngah zawk in hetiang a mumal taka Market an analyse a nih chuan, an BUY rual a BUY a, an SELL rual a SELL leh mai kha a fuh ber a ni.                     

Click Pic to enlarge

When to Pull the Trigger?                     

Financial market ah chuan luh hun a awm a, chhuah leh hun pawh a awm. Mitam tak chuan Financial market luh dawn lai tak hi Sniper te nen an teh khin thin a ni, “One shot one kill” tih ang deuh hian signal awm hun hi chan thin a nia, chumi signal chan chhuah ah chuan luh fuh chat tum thin a ni. Hetiang signal chan chhung hian “what moves the market?” Engber  in nge market rawn ti che thin tih hi theih tawp a lo analyze thin a nia.                     

Sensex/Nifty chu awmze neiin a che a ni kan tih tawh kha. Sensex chet rual chiah zel a Stock market ah mahni in  Mutual Fund a  investment lo tih ve na hi entirnan sawi ta i la.  Mutual Fund Policy 2 ah thlur bing i la, Birla Sunlife Equity Fund leh Reliance Diversified Power Sector fund te hi thlan bik ni ta se la. Reliance Diversified power Sector Fund phei hi chu www.moneycontrol.com leh www.mutualfundsindia.com in 5 years term a Mutual Fund pung tha bera a dah a ni. Birla Sunlife Equity Fund erawh hi chu average a ni. ULIP ho hi a tlang pui thu in cut neuh neuh te a atam a, bakah Mutual Fund Open Ended te anga duh hun huna redeem/withdraw theih a nih ve loh avangin telh ve ta lo mai ila. Bakah tuna awmze neia investment dan ka rawn sawi tur  nen hi chuan a khai khin chi loh, kum khat chhung ringawt pawh in ULIP aiin Mutual Fund a pung tam fe thei zawk tlat. ULIP hi Stock Market ah chuan a zuk lut ngei mahse Investment lam ai mahin Insurance lam pang zawng hian rilru pek ni thei se a fuh zawk.                     

“Past performance of the Mutual Fund is not indicative of the future performance of the Scheme” tih hi kan hriat dan thin kha a nia, amaherawhchu awmze nei a mutual fund ah Investment dawn chuan Past performance tha ngei thlan kha a fuh a ni, market chet zawng in a che nasa tlang pui. Hetiang anga Past performance en theih tur  record awm nge nge hi future ah pawh market a chet that in a pung tha duh deuh bik. NFO hi Sensex hniam hle lai an offer a nih lem loh chuan NAV hniam ringawt mahse a rawn pung tha vak thei ngai chuang lo. Reliance Natural Resource Fund hi 25-06-2008 ah NFO 10 in an tan a, Dt 28-June-2010 ah NAV chu 9.57 a la ni chauh. Kum 2 hnu ah ngai a la awh pha lo a nih chu!                     

Dt 07 April 2010 ah market in close na chu 17970.02 a rawn ni a, hemi ni hian Resistance level a rawn thleng chiah a ni. Trend line vawithum a han tawk bawk a, hemi vang hian Retracement awm ngei tur a ngaih (Speculate) a ni a, rin lawk ang ngei in a rawn tla thla reng bawk a,heta a rawn tlak chin tur hi Fibonacci Retracement leh Trend line tho in Dt 5 May 2010 ah chuan lo speculate a ni ta a. Dt 06-February-2010 leh Dt 07-April 2010 inkar atanga Fibonacci pawh a 76.4% lai hi lo chan a ni ta ngar ngar mai a ni.  Fibonacci chung chang hi hemi link ah hian ziah lan tawh a ni e.  http://maawma.com/?p=119                     

Click Pic to enlarge

  Dt  21 May 2010 a rawn in her chhuah meuh chuan rin ang ngeiin a rawn tla thla ta duai duai mai, mahse hei hi a tlak na chen tur level lo speculate tawh na sa Fibonacci 76.4% leh Trendline a Support level thleng kha a rawn ni a, tichuan Hammer candle pawh hemi level ah hian a rawn lang ta e (Hei hi perfect Hammer chu a ni chiah lo, mahse Weak Seller a rawn indicate a ni, Bulls or buyer in tan an rawn khawh dawn tih a rawn lantir).                     

Click Pic to enlarge

Click Pic to enlarge

Khatiang khan entry signal chu lo chan ngar ngar thin a nia ,  khatiang a entry signal a rawn lan veleh khan Birla Sunlife Equity Fund ah leh Reliance Diversified Power Sector Fund ah chuan investment chu tan a ni ve ta a.                     

Hei hi Birla Sunlife Equity Fund Account statement a ni                     

Dt 24-May-2010, Dt 31-May-2010 leh 08-June-2010 ah te Rs 5000 theuh in investment tih a nia, ti chuan Dt 21- June-2010 ah a pung 4% withdraw a ni a, hemi ziah lai Dt 29-June-2010 hi chuan a punna dang 1.8% hi la withdraw loh a ni a. Dt 24th may 2010 leh 29th june 2010 in kar a punna chu 5.82% lek a ni. Thla 1 vel chhung a punna ah chuan a tha ve viau tho ve.                     

Click Pic to enlarge

Hei hi Reliance Diversified Power Sector Fund account statement ve thung. Dt 8-June-2010 ah Rs 5000 a investment tan a nia, Dt 21-June-2010 ah tlem a punna 4% Rs 200 withdraw a ni a, Dt 8-June 2010 leh Dt 29-June 2010 inkar a punna chu 6.6% vel lek a ni. Hei hi 16 working days chhung 2-3 weeks vel chhung a punna a ni e.                     

Click Pic to enlarge

Click Pic to enlarge

Khang a punna rawn tih lan te kha tlem te mah nise, awmze nei a investment a nih tawh avangin, Long term ah chuan awmzia a nei em em ang tih kha hriat a tha a nia, Price Rally nan fuh phei chuan rei lo te chhung in a pung tam ve thei phian.          

  Sensex Forecast                     

Hetiang a awmze neia Sensex a lo che a nih chuan, FII ho in chet an rawn lak leh na tur Next Strong Resistance level  chu 21000 a nih mai hmel?! Sensex 21000 tih hi sawi awl nan a ziah mai a nia, Resistance level pawimawh emaw market uluk taka, a huhova ngaihchan leh na tur Resistance level chu heng te hi an ni mai thei.                     

21077.53: Dt 08-1-2008  market hawnlai a price san na lai ber (High)                     

21113.13:  Dt 09-1-2008 a market hawnlai a price san na lai ber (High)                         

21206.77:  Dt 10-1-2008 a market hawnlai a price san na lai ber (High)       

Click Pic to enlarge

 Mutual Fund ah hian tunhnai mai ah invest ta i la, engzat chiah in nge a la pun theih ang?                      

Sensex leh Mutual Fund chet kual dan chu kan chiang viau tawh ang a, tuna profit kan chhut dan hi 100% in a dik vek kher ang tihna a ni lo, amaherawhchu stock market a investment tih dawn a ngaihtuahna titam tu a tan chauh a hman atan a ni. Sensex hi tuna Uptrend a awm mek hi reverse mai loin Uptrend zawng in continuation trend ni chho ta ngar ngar sela,  Dt 08 June 2010 a market close na, Sensex 16617 atanga chhutin next Resistance level leh tur a ngaih 21000 hi han thleng tluan chho parh ta sela, Mutual Fund investment hi short term tan chuan 27.5% vel bak a pun theih loh hmel. Amaherawhchu a chunga entirna a ziah lan ang deuh in, Uptrend chauh lo ah, Ranging market ah pawh awmze nei a tlem profit lo lak zel a, a punna tlem te te belh khawm chuan tun ai hian a pung tam daih thei a ni. Tuna profit calculation hi  Reliance Diversified Power sector Fund past performance zul zui a pakla hisap (Rule of thump) a chhut a ni. A chhut dan hi eng formula mah hman a ni chuang lo va, simple mathematics pangai mai chauh a ni e.

Heta Profit chhut dan hi Mutual Fund account statement a landan anga, a san lai apianga withdraw ang ni lo khian, Sensex hi continous uptrend in kal ta zel se la, Strong Resistance level tura ngaih 21000 han thleng hlawl ta sela, engzat in nge a pun ang tih a chhut na a ni ber.                     

Sensex Resistance Level 21000                    

                

Sensex 16617                          

Dt 8-June-2010 ah Market(Sensex) close na chu 16617.10 a ni                     

Dt 29-June-2010 ah Market(Sensex) close na chu 17534.09                       

Heta Sensex punna percentage chu 5.51% a ni (17534.09-16617.10 x 100 / 16617.10 = 5.51%)                     

============================================================                     

Dt 8 June-2010 ah Reliance mutual Fund invest zat Rs 4808.58                     

Dt 29-June- 2010 ah Reliance Mutual Fund Value zat Rs 5125.14                     

Heta Mutual Fund puna percentage chu 6.58% (5125.14-4808.58 x 100 / 4808.58 = 6.56%)                     

=========================================================                     

Sensex 5.51% a chhohin, Reliance Diversified Power Sector fund chu 6.56% in a pung thei tihna ah ngai ta i la, heta Sensex leh Mutual Fund inthlauh na difference chu 1.05% (6.56%-5.51%) a ni                     

Tichuan Sensex hian 21000 han thleng ta hlawl mai sela, Dt 8-June-2010 a Sensex 16617 a nih laia  Reliance Diversified Power Sector Fund ah lo invest hman chuan, a pun theih na zat tur  chu hetiang vel ni a ni mai thei a ni.    

Sensex 21000-16617= 4383 x 100 / 16617 = 26% + 1.05% = 27.05 % 

Chuvangin 21000 a thleng a nih ngai chuan investment kan lo tih ve ho a tam emaw a tlem emaw phih chhuak vek a reinvest na chance zawn leh char char kha a fuh hmel. A chunga chhut dan ang ni lo zawngin, 21000 thleng lovin Down trend emaw Ranging market a rawn awm leh a nih chuan invest na chance dang a rawn in hawng leh ah a ngaih theih ang. Hei hi short term leh medium term investment duh tan nita se, Long term emaw Position trader ho kum 15-20 years vel thlir daih tan chuan a rin tlak loh e.          

Hei hi Reliance Diversified Power Sector Fund leh Sensex chet dan compare na a ni.                    

Click Pic to enlarge

http://www.moneycontrol.com/mf/mf_info/compare_schemes.php          

Resistance level a price awm thin dan tlangpui:                     

Resistance level ah Price awm thin dan langsar zual hi thlir leh lawk i la, Horizontal Black Line hi Resistance Line ni ta se, Arrow hi Stock market price. Tuna Price Chart entirna awm dan ang hian Resistance level a thlen chuan a awm tlang pui a, amaherawhchu a ni ngei ngei ang tih na lam a ni lo. India stock market chauh lo ah pawh, khawi ram stock market or Financial market ah pawh hetiang chart pattern hi chu mumal takin a rawn awm thin. A chang chuan Continous Uptrend ten a awm a, a chang leh Downtrend in a in thlak leh a, a chang leh Ranging market in  a awm leh bawk thin. Hetiang hi Resistance level ah Price movement awm thin dan a nih avangin, Support leh Resistance Level hi engtik lai mahin ngaihthah a ni ngai lo.                     

Resistance Become Support              

                 

                

Wedge              

                 

Triple Top              

                

Ranging market                     

                 

                

Head and Shoulder or High Higher High                     

                

http://en.wikipedia.org/wiki/Chart_pattern             

Tuna mi kha stock market price lo awm theih na tur an sawi lawk thin dan chu a ni, hriat tur pakhat chu tumah in 100% in an predict dik thei lo! Market analyze miah lova tawng pawng zuan luh ringawt ai chuan Normal market condition ah 80% chauh pawh lo speculate dik nita se a tha lutuk ringawt. Charting hi han sawi hi chuan hriatthiam hi a awlsam thin khawp mai mahse hmantlak khawp a thiam dawn chuan in practice chhung a rei khawp mai, amaherawhchu vawi khat hriat tawh chuan khawi market ah mah hian mikhual na tur a awm lo. Financial Instrument engah pawh eg. Forex, Stock, Commodities, CFD etc market emaw Japan Stock Market, Australia Stock Market, US Stock Market, India Stock Market etc ah a hman theih vek a ni. Hmang thiam tur khawp leh future price lo awm dan tur predict thei tur khawp chuan in practice  hun chhung a duh rei hle bawk, Stock market atanga in practice tan chuan kum 5 emaw a aia tam emaw vel tal chu a ngai a, mahse Forex market atang chuan kum 2 vel a ni thei, a chhan chu an in chet chak hleih vang a ni (Volatile).                    

FII lama mithiam te lo zirtir tawh thin leh Japanese Candlestick Chart khawvel hman tur a rawn ti lar tu ber leh, a lehkhabu pawh Million copies tlem te chauh lo hralh tawh, Steve Nison a thu khawchang hi tlem ngai thla lawk i la.                  

httpv://www.youtube.com/watch?v=G6ICOxQYCGU                   

A tawp ber na atan chuan he thu tawi te, lar tak si hian ka han tlip ange “The Chart never lies”

Comments

comments

Comments

Comment from caribou
Time July 5, 2010 at 10:30 am

I ziak tha kher mai. I thu ziak hi zir tham fe a ni. I web site hi thangthar ten an la hlut tulh tulh dawn.
Sensex chart enna tur awlsam, amah a in refresh thar reng hi i home page ah dah teh a. A tangkai khawp ang.

Comment from admin
Time July 5, 2010 at 9:34 pm

@Caribou, i ti lawm awm thin khawp mai

Comment from ditto
Time July 20, 2010 at 7:45 am

maawm, ka PAN card hi KYC compliant tir ka duh, a tih dan min lo hrilh teh

Comment from admin
Time July 20, 2010 at 8:11 am

@ditto: KYC hi a tir bera MF application form thehluh tel lai khan PAN No nen ka thehlut nghal, hemi bak hi chu a hranpa in buaipui leh tawh lo. MF Scheme hran hran a tan khan a hrang vek in thehlut a. Reliance MF ah phei kha chuan a tir in Reliance Vision Fund atan chauh a thehluh kha a nia, a hnu daih ah MF scheme dang daih Reliance Diversified Power Sector fund lei leh pawh in a tira KYC theh luh kha ring nghal tawh mai, a hran in theh lut belh tawh chuang lo. Heng Mutual Fund ho hi Axis Bank atang veka buaipui a ni.

Demat account atanga Mutual Fund lei ah erawh kha chuan, a tir bera Demat account hawn nan a KYC pakhat thehluh kha ring nghal char char, a hran in theh lut leh tawh chuang lo. Demat account erawh hi chu IDBI bank atangin a ni ve thung.

Tunhnu ah a hran in PAN card hi KYC compliant tir a ngai a nih chuan hre chiang tawh bik lo 🙂

Comment from chhuanga
Time October 20, 2010 at 2:12 pm

tiang lai hmun ah hian ek na om lo mo

Comment from admin
Time October 20, 2010 at 4:48 pm

@Chhuanga: Rawn pawt ho viau suh aw, Vanapa hall a mi kha ka puan palh ang che

Pingback from C.Lalawmpuia's Blog » Sensex Prediction Comes True!
Time November 17, 2010 at 4:02 pm

[…] “Sensex after 21000! Quo Vadis” ah khan ka lo ziak ve mai mai a, hetah hian a la hmuh thei e http://maawma.com/?p=516 hetah pawh hian a awm tho www.misual.com. Suangtuah (speculate) lawk ang ngeiin Dt 5 November 2010 […]

Pingback from Sensex Prediction Comes True! | mi(sual).com
Time November 18, 2010 at 8:01 am

[…] hi a huhova an en leh na tur point chu 21000 a ni mai thei” tiin Dt 3rd July 2010 a article “Sensex after 21000! Quo Vadis?” ah khan ka lo ziak ve mai mai a, hetah hian a la hmuh theih e Click here, hetah pawh hian a awm tho […]

Comment from john
Time November 18, 2010 at 8:39 am

Profit Plus ULIP hi 5 year tan ka lei a. Lock in period kum thum. Kum thum a tlin chuan duh chuan pre-mature withdrawal theih an ti a. Kum 2007 a ka dah a ni a. Kum thum chhunga kum tin premium ka dah kha RS.200000 a ni a. Tunah hian la chhuak duh ta ila, engzat velin nge a pun ang?.A vaiin Rs.6.00 lakhs ka dah tihna a nih chu.

Comment from admin
Time December 9, 2010 at 2:54 pm

@John, i comment ka lo chhan theihnghilh daih lawm le, i dah ni lai tak Nav atang leh Unit i neih zat atang khan chhut la, hriat a awl ber ang. Hemi aia awlsam leh chu Internet atangin User ID leh password dil la, tichuan i fund value chu awlsam te in a hriat theih tawh mai. He blog hi i rawn tlawh a ka lawm hle mai

Comment from john
Time December 9, 2010 at 6:43 pm

i website hi ka tloh fo lom..without leaving a ny comment..a bengvar thlak khop mai..cc bu ah chhuah chi a tam, mizo ten a kan la hriat loh, kan hlokpui tur chi…a lomawm e…

Comment from john
Time January 5, 2011 at 11:57 pm

maawm, ka ulip chu ka withdraw dawn a, a vaiin 2007, 2008, 2009 a ka sum dah zawng2 rs.6.00 lakh chu cheng 80000 in a pung. enge i ngaih dan?.a pung thra nge thra lo.

Comment from admin
Time January 7, 2011 at 8:14 pm

@John: A pung tha tih dan hi a in ang lo va, Kum 3 pumhlum thak Stock market ah risk lakna a nih chuan a pung tha ka ti em em hran lo, a chhan chu bank ah engmah risk ngaimiah loin kum 3 pum hlum thak Fixed Deposit ah dah ni ta se, kum khat ah 7% pawhin lo pung se Compound Interest a chhut miah lo pawhin tuna ULIP atanga a punna ai khan a tha zawk thei mai awm mange ka ti deuh. Stock market ah, company share chu lo dah tha hrih ta i la, Mutual Fund & ULIP (Equity)ah Risk kan la ngam rau rau a nih chuan kum 3 ah chuan 40% chung lam tal ni thei se Risk lak in awm zia a nei deuh zawk mahna le. Mahse a insurance lam zawnga ULIP kha lei a nih chuan investor ngaihdan ah innghat ta mai se.

Comment from john
Time January 9, 2011 at 10:56 pm

nia..kum 2007 a bank pakhata ka fd interest chu 9.75 a ni a, fd aiin a punmg chhe fe.ka thin a rim tak tak a ni. i site/blog hi ka la zir chiang ang ka ti a, chumi hnu ah online in tlem tlem ka ti ve chhin ang. a nuam riau.thanks a lot.

Write a comment





*

You can add images to your comment by clicking here.