C.Lalawmpuia's Blog

(Maawma ninhlei na hmun)

Skip to: Content | Sidebar | Footer

FRANCHISE SUMDAWNNA I HMEL HRIAT ANG U

18 April, 2017 (21:28) | Business | By: admin

franchise 1Organized retail trade/business ah hian Company ho in an product lei theih tura consumer hnena an rawn zawrh chhuah dawn in Business model chi hrang hrang zawm theih an nei a, chung zingah chuan tunhnai a rawn lar ta em em chu Franchise business model hi a ni e.

Franchise sumdawnna ah chuan FRANCHISOR leh FRANCHISEE te inremsiamna hi a pawimawh hle a. Franchisor hi hriat awlsam nan Company lam, bungraw neitute ti hian sawi fiah mai i la, Franchisee tih hian Local Dealer emaw tualchhung sumdawng te nen hian a in ang leh deuh a ni.

Franchise sumdawnna ah chuan vawi khat Franchise agreement ziah fel tawh chuan territory hauh chin an nei tawh a, khua/veng pakhat ah khan Franchisor ten Franchisee dang an rawn ruat (appoint) ngawt tawh lo tlang pui, chutiang bawkin Franchisee ten Franchisor ho bungrua bak an hralh chhuak meuh lo a ni. Hei hi company a zirin an strict in an strict lo viau thei. Entirnan Nike Showroom a Adidas sneaker lo zawrh daih te, Subway/KFC/Mc Donald Restaurant a eitur dang lo zawrh daih ang chi te kha agreement ah hian phal a ni lo ?hin a ni.

Kan ramah ngei pawh thawmhnaw Showroom rawn awm ?an tirh phat a?ang khan Franchise sumdawnna hi kan hmel hriat ve reng tawh a ni. Franchise sumdawnna ah chuan a tlang pui thu in Showroom ang chi hi hawn a ni deuh zel a, chumi chu Franchisor/Company ho duh ang thlap leh an standard zawm thlap a chei vek a ngai thung a ni.

Franchise sumdawnna ah chuan Brand hming pakhat lar bik tak, mipui nawlpui in an hriat ?han tak hmanga sumdawn a ni tlang pui eg Subway, KFC, McDonald etc ang te hi an ni. Tuna khawvel puma Franchise store ngah ber te chu Suwbay Restaurant te hi an ni mek a ni.

Tuna brand hming lar ho entirnan a ka rawn hman ho khi Multinational Company an nia. Chutiang zelin India company ho pawh hian Franchise business model hmanga Company retail store ang hi an nei ve thluah tho a ni.

MASTER & UNIT FRANCHISE
Franchise business model ah hian Unit Franchise leh Master Franchise hi a awm hran leh a, Multinational companies ho hian Master Franchise system hi hman an uar hle mai, Master Franchise chuan India ram tawp te hi an kutah a awm hlawk thei a ni. Chumi zinga langsar zual te chu:

KFC restaurant zawng zawng hi Devyani International Pvt Ltd leh YUM ho enkawlna hnuai vek an ni.
Domino’s ho hi Jubilant FoodWorks Ltd ho ta vek a ni thung.
Mc Donald’s hi West and South India atan Hardcastle Restaurants Pvt. Ltd te enkawl an nia, East and North India atan Connaught Plaza Restaurants Pvt. Ltd an ni thung.

Unit Franchise ah chuan India khawmual pui tawp ni lo in veng/khua awmna area te te ah khan, mi hran hran in Franchise sumdawnna a hran te te in an lo dil thei ve thung a ni. etc Subway, Reebok, Adidas, Louis Philippe, Ddamas etc. Heng ho hi showroom ti a kan hriat lar te hi an ni e.
———————-

TRADITIONAL BUSINESS VRS FRANCHISE BUSINESS
Sumdawnna pangai leh Franchise business hi in an lohna tam tak a awm a, a langsar zual te:

Traditional business ah chuan Distributor in dealer duh duh a appoint thei a, chung ho hnenah chuan bungrua pawh an pe thei vek a ni. Franchise business ah pawh Distributor an awm ve tho a, amaherawchu Franchisee hnenah lo chuan heng distributor te hian bungrua an hralh thei lo ve thung a ni.

Traditional business ah chuan Distributor te an thu hle, Franchise business ah chuan Distributor te hi an thu teh chiam lo, Franchisor leh Franchisee te inkar ah thupek nghak in an awm a ni deuh ber zawk. Franchise business ah chuan Distributor ten engmah marketing an ti ngai lo tluk a ni, C&F Agents (Carried and Forward Agenst) ang lekin an awm a ni.

Franchise sumdawnna ah chuan Company/Franchisor te hi operational management ah an thu leh zual a, an duh ang thlap a kalpui a ngaihna a tam, traditional sumdawnna ah chuan dealer te hi an thu hle a ni.
———————-

FRANCHISE BUSINESS MODELS
Franchise sumdawnna ah hian a sumdawnna zir in chi hrang hrang a thliar leh thliah thliah an nia, chung zinga langsar zual te chu:

1. FRANCHISE OWNED FRANCHISE OPERATED (FOFO):
FOFO hi Franchise business model a hman lar ber pawl a ni, sumdawnna kalphung hi Company dealership sumdawnna pangai ang hi a ni mai a, a in an lohna erawh chu company duh ang thlap in dawr hran hlak siam a ngai a, chumi chu a ni deuh mai.

FOFO business model ah chuan Franchisee te hi a buaipui tu ber leh Risk la tu ber te an nih avangin Franchisor/Company lam pawhin an hlep tur hi an siam hnem sak zawk ?hin a, item a zirin 10 – 25% thlengin a hlep ve theih a ni. Company lam chuan dawr inhralh a?angin tlem an chan ve tur Royalty bak an phut ngai lo thung.

Entirnan tuna Ddamas gold and diamond jewellery leh Subway Restaurant kan kal pui dan ang hi FOFO Franchise business model chu a ni e. Kan firm hming M/S Aizawl Watch House vek in engkim sumdawnna hi kal pui a nia. Subway leh Ddamas hi Aizawl Watch House hmingin Waybill leh CForm hmanga lak luh a hralh chhuah a VAT te pawh pek vek a ni. Ddamas leh Subway hi brand hming chiah a ni, helai local market a sumdawnna ah a hranpa in record engmah a awm lo a ni. FOFO Franchise business model ah chuan Franchisee te (k)an thu em em a, Dealership business U angin a sawi theih ang.

FOFO Franchise Business model ah chuan dawr operational management hi company standard ang thlap a kalpui a nia, chumi chu company lam a?angin inspection an rawn nei ?hin. A bak marketing, administration leh Store management ah an rawn inrawlh tawh lo a ni.

Hriatthiam awlsam nan, tualchhung sumdawng pa emaw Leilung fa (Son of soil) in Company lar sa hming hawhin dawr a lo siam ve tihna a ni.
2. COMPANY OWNED COMPANY OPERATED (COCO):
COCO Franchise Business model hi chu Company dawr, company enkawl sumdawnna tiin a sawi fiah leh theih mai ang chu. Company Retail store chain ho hian COCO Franchise business model hi chu an hmang lar khawp mai, tualchhung mi (Franchisee) an ?angkai ve na chu Business location lo thawh ve tur atan te hian an ?angkai, tih loh ah chuan a sumdawnna tak tak ah ?angkaina teh vak sawi tur a awm vak lo, hetiang COCO store angah hi chuan Company ho a phusa ber leh enkawltu ber an nih ?hin avangin tualchhung a Franchisee te hi chu an hmui a chithlum hnawih na awm tawk velin 1-3% vel lek te ei an siam sak ve ?hin a ni.

Hriatthiam awlsawm nan, Company sumdawng pa in Leilung fa (Son of Soil) dawr hmun leh hming hman sakin a rawn sumdawng ang deuh a ni leh mai.

3. FRANCHISE OWNED COMPANY OPERATED
FOCO ve thung hi chu a senso engkim Franchisee in a tum vek a, Operational Management zawng zawng company in an buaipui sak ve thung ?hin a ni, hetiang hi shopping mall a showroom lian tham deuh ah hian an hmang zeuh zeuh. Amaherawhchu Franchise business model ah chuan FOFO leh COCO te hi India angah chuan hman lar pawl a ni e.
———————-

FOFO FRANCHISEE Vs COCO FRANCHISEE

Franchisee rau rau ah hian FOFO leh COCO franchisee hi an in ang lo hle mai.

FOFO angah chuan Franchisee tur hi Company/Franchisor te hian an thlang uluk ?hin khawp mai, achhan chu FOFO Franchise sumdawnna ah hian area khat sumdawnna bik ah hian Company a inrawlh thuk vak ngai lo a, Franchisee te hma lakna a in nghat tur deuh vek a nia, chutih rualin FOFO Franchisee te an chet ?hat loh chuan Company/Franchisor lam an hming chhe tel daih thei tho bawk sia, chumi vang chuan Company/Franchisor lam te hian an Franchisee tur te hi an thlang uluk ?hin khawp mai.

Company a zirin FOFO Franchisee ni tur hian exam, interview leh training te paltlang vek a ngai a, chumi bakah family background te, business experience te, educational qualification te, business ideas te, marketing strategy hman tum te, store operational managment experience te leh future market trend thleng a thlir lawk thiam, khawtlang ah hminghliau la nei miah lo leh Court case a nei tawh em tih te thlengin an en vek ?hin a ni, chumi paltlang loh chuan Franchise Agreement a ziah fel ngawt theih ?hin loh.

COCO Franchisee ni tur chuan Business location ?ha hman tir tur leh dawr cheina tur capital invest tur an neih chuan a tawk deuh mai. Sumdawnna tak tak ah Company/Franchisor te hma lakna deuh vek a nih tawh avangin COCO Franchisee te hi an ?angkai teh chiam lo, chutiang a ?angkai lo nanana te chu company pawhin sumdawnna a?angin an ei tur hi a hming maiin an siam sak ve chauh ?hin a ni, a dawr hmun hi Franchisee te ta a nih chuan dawr luahman te pawh an tel ve mahna.

Comments

comments

Write a comment





*

You can add images to your comment by clicking here.