C.Lalawmpuia's Blog

(Maawma ninhlei na hmun)

Skip to: Content | Sidebar | Footer

EI LEH BAR A INCHIMRALNA (ECONOMIC ASSIMILATION)

24 March, 2017 (17:52) | Mumbling | By: admin

rich poorKan ram hian siam chhuah emaw ram danga thawnchhuah sawi tur kan nei lo tih hi chu kan hre tlang vek, India ram a ram rethei ber pawl ni si tun thlenga nghei lo leh nungdama kan la awm tlan dial dial theihna chhan pakhat hi kan ?AN RUAL VANG A NI!!

Tunlai khawvel ah Tangka/Sum tel lo chuan a dam khawchhuah theih tawh loh a, kan ram in sum hnar kan hmuhna ber Sorkar hnathawk te hlawh, phai lam atanga lo lut hi a ni mai a, chutianga thla tin a sumhlawm lo lut kan insem kual na a?ang chuan Zoram mipui tam tak hian kan nitin mamawh, kan silh leh fen tur te, kan ei leh bar tur lei nan te kan lo hmang tlâng ta a ni.

Sorkar hna thawk ten hlawh an lak in an mamawh lei nan te an han hmang sâng sâng a, enterpreneur/dawrkai/sumdawng te hi a tam zawk Mizo kan lo la nih avangin chutianga sum inlumlet chu Mizo pa kutah a la awm ta a, Mizo chuan a Mizo pui bawk amah puitu tur a ruai tlangpui bawk ang a, Mizo leh Mizo tan hna kan insiam sak a tichuan chhungkaw tam takin kan ei in kan lo in tlang ta a ni.

Kan ram retheih bakah hna van zia pawh kan hre tlang Sorkar dawt ah chuan Mizo Enterpreneur (dawrkai bik sawina a ni lo) te hi Mizoramah hna siam hnem ber kan ni leh ang. Hetia sum inlumlet hi Mizo kut ah a awm chhung chuan nei em em lo mah i la, kan nghei lo tlang ang a, sum inlumlet hi Mizo kutah a la awm miau chuan hun rei tak chhung chu tlem a neinung deuh te leh pachhe deuh te pawh, Pathian awmpui na nen ei leh bar ah kan in peizawn tlang chho zel thei dawn a ni.

Kan rama sum inlumlet kan neih ve ang chhun chhun hi kan hmuhna hnar (source) a bei tham ang bawkin kan local market a nitin sum inlumlet hi State khat ve meuh atan chuan a la tlem zia mai chu entirnan han sawi ta i la, vawikhat Mualpui ah inkhelh awm ta se emaw a khawnawt a kan buaipui ang chi Chiahpuam te (Ponzi scheme), ULIP (Unit Link Insurance Policy) investment te a awm in sum inlumlet hi a hân nghal duak thei a ni. Thlatir Sorkar hna thawk in hlawh an lak leh thla mâng tawh lam, renchem taka sum an hman tawh hi kan khawpui ber Aizawl ah hian a la hriat theih nia mawle! Ram rethei tak kan nih hriat na diktak pakhat a ni. Hetiang sum inlumlet danglam theih zia hi tuna Mizo Enterpreneur in eizawnnan a kan kawng zawh tam tak ah ?heuh hian a hriat theih deuh vek a ngaih a ni. Chutiang mai mai chu kan ram chhunga sum inlumlet kan neih chhun chu a ni e.

North East state danga an ram leilung fa te aia kan vanneih ve thung na chu hetia sum inlumlet hi tunah rih chuan MIZO ENTERPRENEUR ho kut ah a la awm a, chumi chu laksak a nih chuan Ei leh bar a inchimralna (Economic Assimilation) hi a rawn thlen thei dawn a ni.

Sum inlumlet tlem te kan neih ve chhun hi Mizo pa kut a?anga chhuhsak a nih hun hun ah Mizo Enterpreneurs te eizawnna hi rei lo te ah rawih lam a pan anga, chumi chuan anmahni puitute/hlawhfate, kan MIZO pui ngei te, a bik in unskilled labour (thiam bik nei lo) te ngei tan hna a awm lo nghal dawn a, tun ai hian unskilled labour in hna thawh tur an van phah leh zual dawn a ni.

North East state danga hnamdang chimral te hi hnam lian zawk te hian chengrang nen, tharum thawh in an dip dal in an chimral reng reng lo, chimral an nih hian hmuh tur awm lo in an bo zo ta vek pawh a ni kher lo, an rama sum inlumlet, hna (Job) leh in hmun lo ram kha hnamdang in sum hmangin an chhuhsak mai ani, ram leilung fate kutah sum hlawm a awm tawh loh nanana chuan mahni ram ngei ah hnam hnuaihnung zawk an ni tawh mai, hnam leh hnam inkarah sum inlumlet thunun tam thei tu apiang kha tunlai khawvel ah chak zawk leh thil ti thei zawk an ni tawh mai a ni, keini chu hnam tlem zawk kan nih avangin hnam dang va chimral ve thei kan ni lo a, chimral kan nih tur lo in ven ringawt pawh hi keini tan chuan beih fe tham a ni zawk a ni. Hnam dangin min hual vel vek a ni tih pawh hi i hre thar leh hial teh ang u.

Kan ramah hian hnamdang sum rawn dawng tu an nih tawh chuan keini Mizo te aiin hnam dang hi an taima in an fing zawk si a, hnamdang sumdawng chuan hlawh in ang rengah Mizo aiin hnamdang a thlang zel zawk ang, tun ai hian hna lama in daih lohna (unemployment problem) kan tawng nasa zawk thei dawn a ni, chumai a la ni lo Mizo Enterpreneur ho in tuna hna tlem te Mizo fa te tana kan la hum sak hram hram a hi, hnam dangin sum ngah zawk na hmanga min rawn chhuk sak hunah chuan ei leh bar a in chimral na (economical assimilation) chu kan tawng baw thei a ni, tuibaw hnu a ruh theih tawh ngai loh. Kan ram angah phei chuan hetiang sum inlumlet chang tam zawk ni tur a intihsiakna ah hian hun rei tak nghah a ngai kher lo ang.

Kan ramah thiambik nei lo (Unskilled labour) in hna an neih loh chuan ram dangah loh theih loh a mi chhiahhlawh tur a an chhuah a ngai tawh dawn a, tun dinhmun ah chuan Mizo Unskilled labour te tan Mizo Enterpreneurs te hnenah hna thawh tur a la awm avangin chhuah a la ngai lo a ni. Hemi vang hian India ram khawpui hrang hrang ah Mizo te hi Hleilenna tuartute (Racism victim) kan tlem na chhan pakhat te pawh a ni ve a ni. Unskilled labour te hi vai ramah hnamdang chhiahhlawh tura an vah chhuah hian hnam anga hming chhiatna nasa tak a thlen thei a ni. Thiam bik nei (Skilled labour) chu tumah an ngaihtuah awm loh, mahni in an in haiveng thei vek, thiambik nei lo hi Mizo te ah hian kan la tam zawk tlat mai hi keini Mizo te tan hian Ei leh bar kawnga inchimral hi a hlauhawm leh zual bik a ni.

North East State dang hi en ta i la, hnam lian leh thiltithei zawk ten sumdawnna a an chimral vek an ni tawh hlawm a, Shillong, Agartala, Dimapur, Guwahati etc angah te hian a leilung fa te Enterpreneur hmuh tur an awm tawh mang lo a ni, tun ah hian heng chimral tawh te hian tuna Mizo te dinhmun ang ni tur hian rawn thar thawh leh dawn ta se thil theih a ni kher tawh lo ang.

Hetianga hnam dangin a ei leh bar a an chimral te hi a bul ?anna chu thil te tak te a?anga rawn in?an hi a ni deuh vek a sin.

Inhnialna tam tak karah he thu famkim lo tak hi ka rawn au chhuah pui ve a, hnial theih tur te pawh a awm ngei ka ring, amaherawhchu Consumer rilru lam a?anga thlir loin Ram leh hnam hmangaihna leh ngaihtuahna fim tak nen in lo chhiar dawn nia.

Comments

comments

Write a comment





*

You can add images to your comment by clicking here.