C.Lalawmpuia's Blog

(Maawma ninhlei na hmun)

Skip to: Content | Sidebar | Footer

Mizo Two

5 December, 2014 (21:21) | Mumbling | By: admin

Mizo hrilh fiah na hi a sawitu a zir in leh a lo dawngsawng tu a zir hian a in thlak danglam ta zel emaw tih mai tur a ni. A then in MIZO hi hnam a ni lo, Nation a ni te an ti. A then in Mizo chu Mizoram a mi te an ti bawk. An sawi zawng zawng hi ka pawm ve vek zel mai, amaherawhchu keimah a lo lan ve dan leh ka pawm ve dan hi ziak in dah ve reng reng teh ang. In pawm emaw pawm lo emaw ka ngaihdan ani ve tlat.

Fanai te, Tlau te hi Pawi chi peng ti in kan mithiam te chuan an sawi thin, chutiang bawkin Ralte pawh Vaiphei nen unau an ti, dik pawh a dik ang, mahse ka ngaih ve dan takah chuan Mizoram a Fanai/Hmar/Paite/Chawngthu/Sailo/Pachuau etc ho hi pure blooded an ni tawh lo, Ralte leh Vaiphei pawh hi tunhma chuan unau anga sawi a ni mai thei, mahse tun hma kum 3000 hmalam Chhinlung kan chhuah hlim te chuan unau pawh an lo ni mahna,tunah chuan hnam thar MIZO ah kan in chhung lut vek tawh a, mitam takin MIZO hi hnam a ni lo ti mahse, hnam a pawm hi kan tam zawk hmel tawh tlat.

Ka sawi chhan chhim lamah chuan Pawi/Lai ho chu a hran deuhin an awm a ni mai thei, Paite, Hmar pawh a chibing in an awm nual. Heng chibing a la awm ho hi Mizoram a kan in neih pawlh ang hian an in neih pawlh ve hmel loh ka ti tlat. Paite pa in Hmar nupui a neih te, Pawi pa in Paite nupui a neih te Mizoram a kan in neih pawlh ang hian chibinga awm ho hi an in neih pawlh ve tlat lo, hemi vang hian Mizoram pawna Fanai/Tlau chu Pawi emaw, Paite leh Hmar etc in an awm hrang mai thei, Mizoram ah chuan kan in neih pawlh vek tawh a, Pa (Father) hi chi kalna kan tia chutiang chuan hnam hming hi kan pu chho vel mai mai tawh a ni.

Mizoram awm ho bik hi kan Pure blooded tawh lo, hemi vang hian Mizoram pawna awm, chibing a awm kan tih ho nen hian hnam kan sawi dan hi a in ang thei tawh lo reng reng. Mizoram Hmar leh Manipur Hmar pawh a in ang thei tawh lo. Mizoram ah chuan Hmar leh Lusei, Hmar leh Pawi, Hmar leh Paite etc kan in neih pawlh vek tawh. Hemi vang hian Manipur/Burma a hnam an then dan leh Mizoram a hnam kan then dan hi a in ang thei tawh miah lo! Mizoram ah chuan MIZO a ni tawp.

Entirnan mai mai Vai emaw sap emaw hian enge i hnam min ti ta se, MIZO tiin ka chhang ang, ka hnam pui Mizo tho hian min zawt leh ta se, Chawngthu tiin ka chhang chauh ang. Hetiang hian Mizoram pawna mi te hian an ti ve ngai pawhin ka hre lo, enge i hnam tiin zawt ve ta se, HMAR, PAITE, LAI emaw hi an dah sang zawk daih zel. Chumi lai chu thlahpawlh leh pure blooded kan in an lohna lai a ni ta berin ka hria.

Chutiang chu Mizoram a cheng te hi ka ni deuh vek tawh. Ka nu lama Ka pu (Grandfather) hi Sailo, Ka nu lama ka pi (Grandmother) hi Ralte,  Ka pa lama ka pu hi Chawngthu, Ka pa lama ka pi hi Hmar. Ka nu te unau leh ka pa te unau ah mipa leh hmeichhia an awm nual a, Hemi vang hian ka cousin te chu Chhakchhuak, Pachuau, Chawngthu, Sailo, Hmar etc kan in pawlh vek tawh. Hetiang a chhut hian ka fa te ah hian hnam chi nga a awm Pachuau, Sailo, Ralte, Chawngthu leh Hmar.

Ka hmelhriat nula pakhat pawh a pa hi zungawlvei a nia, a nu leh pa an in then a, “eng hnam nge i nih?” kan tia, ” ka nu hnam ka la daih, Fanai” a in ti!! Hnam hi kan la thutak lo khawp mai. Mizo tih hian a khai khawm hneh khawp mai. Mahse chibing a awm te hian an pawm ve thei ta lo a ni.

Hetiang hian Mizoram pawnah hian an in neih pawlh ve miah lo. Hmar chu Hmar in an awm tawp, Pawi pawh Pawi in an awm leh tawp. Hemi vang hian ka ngaih ve dan mai mai ah chuan Mizoram pawna hnam an thliar dan Fanai/Tlau etc chu pawih rawn nih tir emaw, Ralte chu Vaiphei nen a rawn unau tir emaw lo in MIZO ah ngaih mai ni ta se, a chhan ber pawh thlahpawlh leh Pure breed ah khan kan in thliar tawh tlat. A nihna diktak ah chuan MIZO TWO zawk kan ni, daih mai a!!

Comments

comments

Comments

Comment from Rema
Time February 25, 2015 at 4:33 am

Tlau hnam khi source dang ah chuan Pawih an ni lo ti bok sia. Chhui hlat theih berah Belbuana thlah ni a sawi a ni leh bawk si. Fanai hnam family ah chuan a lang tlat lo mai, mahse ni e Mizo vek chu kan ni e.

Comment from admin
Time March 21, 2015 at 11:54 am

Rema, han chhui viau dawn pawh hian a ziaktu ho ziah hi a in ang lo vek a, chhui thui vak hleihtheih pawh a ni lo, hetiang a nih chuan tute pawhin ziak i la, a ziak huai a piang thu kha a dingchang dawn tihna a ni mai hmel riau mai.

MIZO tih hian a khaikhawm hneh khawp mai

Write a comment





*

You can add images to your comment by clicking here.