C.Lalawmpuia's Blog

(Maawma ninhlei na hmun)

Skip to: Content | Sidebar | Footer

Personal Cloud Storage

3 December, 2014 (17:00) | --=[teCH{}TAlk]=-- | By: admin

Pogoplug Series 4 Unboxing & Review

Cloud storage ah chuan mobile a photo, video, music file leh document kha mobile ah emaw computer ah dah kher lo in Cloud ah internet hmangin a dah that daih theih a, Mobile/tablet/ipad/laptop etc tih chhiat palh in kan data/files ho kha chhe ve lo in Cloud ah a lo in backup vek thin a ni. Chutianga a dahthat theihna Cloud storage ho chuan 5 GB thleng chauh te man chawi ngai lo (Free) in an pe thin. A aia lian mamawh chuan lei a ngai ta thin a, a tlangpui thu in hun bi neiin, kum khat chhung emaw te lei a ngai ta thin a ni. Cloud storage lar pawl chu Drobbox, Box etc te hi an ni.

Chutiang ang cloud storage chu mahni hman turin a tih chawp ve mai theih a, Personal cloud atana hmanraw tangkai zet mai chu Pogoplug Series 4 hi a ni e. USB 3.0, SD card Slot leh 2.5″ SATA drives port te a awm a. Hemi ah hian external harddisk/Pendrive/memory card te connect in khawi hmunah pawh awm i la, internet hmangin, In (Home) a harddisk/pendrive kha a han browse theih tawh mai.

pogo5pogo4pogo7pogo6

Harddisk kan neih len dan a zirin Cloud storage chu kan nei hnem a ni tawh mai. Pogoplug hi Router ah connect tur a nia, Pogoplug ah chuan External hard disk kha connect leh a ni tawh mai, computer a vuah kual duah pawh a ngai lem lo.

Tunah hian Seagate 1.5TB External harddisk hemi Pogoplug ah hian ka connect a, duh tawkin mobile atangin khami 1.5 TB(1500 GB) harddisk kha a va browse theih tawh a, backup na atan pawh a hman theih vek mai.

Hrechiang duh tan hetah hian hmuh tur a awm e www.pogoplug.com

Tuna ka Pogoplug hman lai mek hi Rs 2890 in Booyah Chigago ho hnenah Amazon kal tlang in ka lei a, tunah chuan hei a man an lo san a nih hi, amazon ah Rs 3500 in a awm mek. Hetah hian a click mai theih e www.amazon.in

pogo2pogo3

Pogoplug thatna:
1. Man chawi leh monthly rental fee ngai lo in mahni in Cloud storage lian pui a neih theih
2. Kal na/zinna apiang ah External Hard disk ken kual reng ngai lo.
3. Personal Cloud storage ah chuan a tlawm ber pawl a ni.
4. Pogoplug hi amah hian processor (ARM) hran leh operating system (Arch Linux) hmang a nih vang hian computer a vuah chhawn teh duah a ngai lem lo. Router a va connect kha a tawk mai
5. USB port/ sata port leh SD card slot awm hian Storage device 5 ngawt a connect theih

That lohna:
1. Video stream nan a muang lutuk, duh thu sam lo tak a ni. Movie file lian tham a en tlak loh. Video stream dawnin MOV file deuh kher a support. Video stream tih hi Youtube video en ang hi
2. Home network ah Network Drive angin a hmu thei lo, hemi vang hian Drive mapping a tih theih loh. eg L:\192.168.1.74\Photos Anmahni Pogoplug apps kher hman a ngai.

A hnuaia mi hi 1.5 TB External HDD (1500 GB) in lama ka hman mek chu hmun dang daih atangin,  Iphone 5s  Airtel 3G Connection leh Pogoplug Apps hmanga ka va access lai mek rawn lan dan a ni e.

 

Pogoplug pogo1

Comments

comments

Write a comment





*

You can add images to your comment by clicking here.