C.Lalawmpuia's Blog

(Maawma ninhlei na hmun)

Skip to: Content | Sidebar | Footer

Norton Ghost

18 August, 2014 (21:27) | --=[teCH{}TAlk]=-- | By: admin

Mi fa te chuan computer application an develop a, $ Million dollar tel tak meuh meuh an hmuh chhuah phah thin, keia rawn sawi tum ve hi zawng chutiang a ni lem lo, mi Application siam sa kan lo hman ve, chu pawh pirated software leh nghal tlem a code ka lo edit atanga chhung kaw chawm nan a ka hman ve tak, kan chhung kua chauh pawh ni lo, kan staff 10 bawr velin EI BEL bera kum 10 chuang teh meuh meuh a kan lo hman phah ve tak hi sawi loh a tan chuan a uih awm ka ti lutuk, chu computer application hming chu NORTON GHOST tih a ni e.

2000 – 2012 vel thleng khan Branded/Assembled computer zuarin kan lo sumdawng ve a, chung laia kan hnathawh thin ber chu computer thar remkhawm leh Computer servicing kha a ni ber, Windows XP/2000/NT/Linux Operating system buai lo install that te, Software Application lo install, hardware buai lo siam (trouble shooting) kha a ni ber. Computer thar diai remkhawm hlim hlawt ah hian Windows XP, fresh a load tur hian darkar 1 vel te hun kan seng thin tlang pui a, a remkhawm chhung nen, Application install neuh neuh te nen chuan mi pakhat hian ni khat ah computer pa 3 vel bak hi an rempum zo hman thin lo a ni, chung lai chuan computer hi tun lai angin a la chak lem lo a, khang hun laia computer chak ber kan tih pawh kha tunlai mobile nen hian a chak lam chu a in hen vel reng a ni, Processor Clock speed kha 1 GHZ te a la ni awrh zel. Computer muang deuh ah phei chuan Windows XP/2000/NT install nan darkar 2 dawn hun hman te kan nei thin. Chutiang a nih vang chuan nikhat ah hian computer siam (Service) leh a thar remkhawm (Assembled) hian hun a duh rei thin khawp mai, hna a sawt lo thin a ni.

Chumi hna sawt lo lutuk thawh chak deuh nan chuan Norton Ghost a hi kan hmang lar ta em em mai a ni. Norton Ghost kan hmang tangkai lutuk kha keini tan chuan MANNA ang hial in ka ngai thin.

Computer thar kan rempum reng reng hian hard disk hi partition 4 ah te kan then thin a, chuan partition khat hi chu Hidden in kan thukru bo daih a, chumi chhung ah chuan Drive C Image file hi kan va thuk ru a, chumi image file chu Bootable CD a Code ka siam chawp hmangin Windows a buai apiangin kan va thur chhuak leh ta thin a ni. Hetia kan tih hian computer Software buai kha minute 10 chhung vel lek ah te a siam that leh nghal theih thin a ni.

Kan dawr atanga computer kan hralh chhuah ah chiah khan khami Recovery Disc siamchawp kha a hman theih a, Recovery Disc kan pek thin kha dawr dang atanga Computer an lei ah a hman ve theih loh vangin Norton Ghost Recovery CD vang khan computer kha kan hralh hnem phah thin hle a ni. Khang lai khan Recovery Disc hi Branded Computer ah chiah hian a rawn keng tel thin a, Branded PC hi mi nazawng lei phak a ni lo, a to lutuk. Khami Recovery Disc kan pek vang khan customer te khan an mahni in software buaiah, kan hnena computer an lei kha an mahni in an lo siam tha ve thei ta thin a ni.

Tunah phei chuan khang hunlai a computer in a tih theih ang kha Smartphone ah hian a awm vek tawh, tuna ka sawi pawh hi thawnthu mai mai a ni tawh e.

Recovery Disc ka siam chawp kha Thingtlang lama mi ten an hlut zual a, windows buai vang ringawt a, Aizawl ah System Unit/ CPU ringawt rawn ken kha an ni tan a buai thlak lutuk, chumi vang chuang thingtlang lamah khan Norton Ghost hmanga Recovery Disc kan lo pek thin vang khan computer kan hralh hnem phah thin a ni.

“Ghost siamtu hi chu hmu i la ka chibai lawp lawp duh ang” ka ti thin, kan eibel ber kha a nih phah ve ngat, kum 10 chhung tal tawp kan chhungkaw inchawm nan leh kan staff te pawhin an lo inhnangfak ve theih phah na a nih vang khan kei ni tan chuan a lo hlu ve em a ni e. Keini thlatin bi blawh lak tur nei ve lo tan chuan MANNA nen a khaikhin loh theih loh a ni e.

A thiam zawnga in thiam siak ah te chuan kei ni ang te chu tumah han el pha chi zia zang ka ni lo, amaherawhchu application ho te vanga thangkhat lian zet zawt nun khaw chhuah nana kan lo hman ve hi ngawihbo pui mai a tan chuan ka phal mawlh lo a ni e

ghost

Comments

comments

Write a comment





*

You can add images to your comment by clicking here.