C.Lalawmpuia's Blog

(Maawma ninhlei na hmun)

Skip to: Content | Sidebar | Footer

Online Shopping and Aizawl retail business

18 April, 2014 (23:19) | eCommerce | By: admin

He thuziak tawi te hi Mizoram Merchant Association Facebook group ah Dt 2nd March 2014 a ka ziah ve a nia, a ngai ngai in rawn suan phei ve teh ang.e-commerce

Tunlai chu online shopping rilru ah a rawn lang thar leh tlat mai, tun hma Mizo in computer kan hmel hriat tan tirh 1996 chho bawr vel Computer at chilh zual lai te pawh rilru ah a rawn lang thar leh nasa hle mai, mahni irawm chhuak liau liau a HTML leh JAVA hmanga kum 2000 bawr vela website puitling lo duan chhuah ve te pawh mithla a va awl em!

Hei kan hriat theuh angin online shopping chu a rawn lar chho ta zel mai chu a nia. Online shopping kan tih hi technical terms ah chuan E-commerce ti a sawi a nia chuan tuna keini dawrkai sumdawnna ang hi chu Brick and Mortal tiin an sawi bawk a ni, heti lam hi chu thui tak sawi tum lem lo i la, comments lamah zawh duh a awm tak leh chhan tum ta zawk i la.

Ka rawn sawi tum ber heng ecommerce site ho in MVAT chawi lo a, Mizorama an rawn hralh hian keimahni sumdawnna chu rawn khawih buai lem lo mahse, kan sumdawn pui te sumdawnna a rawn tih danglam phak tlat avangin rawtna chhete lo siam ve reng reng teh ang, inthlahrung takin.

Ecommerce site puitling (Fullfledged Ecommerce Site) siam tur hian Components pawimawh tak tak a awm a, chung te chu Shopping cart, Payment Gateway leh Courrier company te an ni, Lungthu kimin heng components pa thum te an tan rual thap loh chuan ecommerce site puitling a awm thei lo a ni. Shopping cart hi ecommerce company ho chan hi a nia Flipkart.com, Myntra.com, jabong.com etc, tichuan heng ecommerce site ho shopping cart ah hian kan bungraw duh thlan hnu ah “BUY” kan click chiah hian Payment Gateway company Secured server Page ah a in sawn phei a, chumi chu Payment Gateway company ho chan a lo ni leh a, tichuan a man kan pe fel ta tih ah Courrier company ho chan a ni ve leh thung a ni. Achunga sawi tawh angin an vai khian an pawimawh vek a, pakhat khi lo hmantlak loh palh se ecommerce process flow kha a ti buai thei ta thin a ni. Tichuan Courrier company ho pawimawh dan chu kan hre thiam vek mai ang, hemi avang tak hian heng ecommerce site ho a bikin domestic ecommerce site eg jabong, flipkart, myntra etc India chhul chhuak ho hian India a courrier rintlak hi an hmang tlang pui ta a Bluedart, overnite, DTDC etc Heng ho hi Logistic ti te pawhin sawi bawk an ni. Ka sawi tum tak chu heng courrier ho hian helai NE vela lo operate ve, Capital, Shree pawan etc ho hi chu an hmang ngai lo tluk a ni. Tichuan heng courrier company ho hian kan ramah a thawn theih em tih an enna chu kan pincode ah hian a ni ta a ni.

Heng rawtna te ah hian in ngaihtuahna lo seng ve chhin teh u

1. Pincode atanga Mizoram lampang rawn chho tur an chhui theih chuan online shopping a bungrua an rawn hralh thin reng reng hi kan sorkar chak tak hian Mizoram pincode hmanga rawn chho tur reng reng ah chuan PAY an click hma hian MVAT belh turin Ecommerce site ho hi zuk request ta se, tichuan Mizoram chhiah an pe ve anga, helai rate inthlau ta lutuk hi a in ang thei deuh tho ang, tichuan Mizoram sorkar leh ecommerce company te chu tax an lo collect in hlan chhawn chung chang ah chuan in be rem leh mai se

2. Chutiang lo pawhin Mizoram a rawn thlen hnu ah heng Courrier ho office ah te hian online a lei ho chu dah hran tir in TAX a lo la thei ngei ang, Courrier ho hi a chunga sawi tawh angin ecommerce ah hian an pawimawh em avangin register fel tak vawng vek thin lo chu an hmang ngai lo a ni. Hetiang a ecommerce company ho nen a in rem siam a nih chuan online shopping a tlawm bik hi Aizawl rate nen a in ang thuak thei ngeiin ka ring. Chumi vang chuan online a lei tur tam tak ten Local market a lei zawk duh an awm phah ngei ka beisei.

3. Hetiang a Online shopping atanga chhiah lo lak hi ecommerce company lampang hian “kan hriatpui lo” lo ti palh ta se, kan sorkar chak tak hian heng online shopping site a mi te hi Mizoram VAT chawi lo an nih vangin a BAN/dang theih a rinawm, Burma/Myanmar atanga bungraw lo lut tur pawh duh chuan an dang thei lawm Chhiah an pek loh miau chuan. Phai zin thang chuan zu bur ah hian “Not for sale in Maharastra” emaw state dang hming in ziak te in hmu thin ang, hei hi chhan tam tak vang leh Maharashtra TAX pek ve loh vang te a ni thin, zu chu ka in ngai lo a nia he he. Hetiang deuh hian kan sorkar chak tak thuchhuak hi an zawm thei lo a nih chuan Domestic ecommerce site ho bungrua hi a BAN/KHAP theih a beisei awm.

Ecommerce site ah hian hlawm lian tak tak a then an nia, chung chu B2B, B2C and C2C ti a then an ni. B2C tih awmzia chu Business to Customer tihna a nia, kha ecommerce site khan mipui vantlang hnenah an hralh chuan B2C ti a sawi a ni, etc Flipkart, Jabong, myntra etc te hi B2c an ni, mimal hnenah company in bungrua an hralh vangin B2C ti a sawi an ni. B2B tih chuan sumdawng leh sumdawng in dawr tawnna kha a ni leh mai, ecommerce site ah a hlawm a hralh chhawn leh tur kan order na kha B2B ti a sawi a ni leh, B2B tih chuan Business to Business tihna a ni. Chutiang zelin C2C tih chuan sawifiah ngai loin a hriat thiam theih ruak ang Customer to Customer tihna mai a ni. Hemi ka han sawi kual duah na chhan chu a chunga rawtna ka rawn tarlan then khat hi B2C ah chuan a hman theih ngei ka ring, mahse online auction site emaw ebay ah chuan a hman theih dawn loh a ni, a chhan chu anmahni sumdawnna kalphung hi a danglam vangin, amaherawhchu ebay velah chuan leisual pawh a tam hle a ni, mitam tak zuar tu an awm tawh avangin, B2C a ni ve tlat loh vangin. ebay angah te chuan a lei ngam chuan duh leh lo lei mai rawh se dan theih ah pawh ka ngai chiah lo. Mahse B2C site ami hi chu a dan theih ka beisei tlat. Hemi vang hian B2C site ho ah hi chuan kan sorkar chak tak hi duh ni se helai local market price nen a in rual khai thei tur deuh hian hma an lak theih ka beisei tlat a ni.

Comments

comments

Comments

Comment from benjamin
Time April 27, 2014 at 12:27 am

US ah Amazon pawh hi an khei an khei reng a ni. State tax an pe nual tawh
http://en.wikipedia.org/wiki/Amazon_tax

India ah pawh Gadget offline dealer hovin a company an lobby a, bengcheng an siam tan
http://www.nextbigwhat.com/ecommerce-in-india-offline-online-vendor-war-297/

Comment from benjamin
Time April 27, 2014 at 12:32 am

Taka in dawrah hian cheng 60 ka la ba reng asin 🙂 98 khan a nia, ka Timex Indigo Noida a min thawn sak a, A rawn tleng mai thei lova. A rawn tleng tum ber khan pawisa ka lo ak daih lova, phai lamah tun thlengin ka awm ta sia, ka la ba reng. A ngaktu chu nu tling 30-35 bawr vel niawm a ni.

Comment from admin
Time April 27, 2014 at 12:17 pm

Benjamin, i link rawn tih lan hi a va bengvar thlak ve, hmun dangah pawh an lo buai ve tho mai a nih khi a.

Cheng 60 i bat kha chu Ba bu atangin kan lo thai bo tawh mai dawn nia 🙂

Write a comment





*

You can add images to your comment by clicking here.