C.Lalawmpuia's Blog

(Maawma ninhlei na hmun)

Skip to: Content | Sidebar | Footer

The Bulls Stampede: New Entry Signal (The Bears Growl Continuation)

13 June, 2012 (09:11) | Bulls and Bears | By: admin

Tunlai ang hian kan naupan laiin Discovery, History, BBC, National Geographic channel te kha en tur awm ve hek lo le, miin “Zawhte ki nei Phawngpui tlangah a awm” an tih te khan dawt nge thutak tih pawh hriathran a har thin khawp mai. Kan naupan laia an sawi leh pakhat chu “Saphai mit leh mit inkar ah hian buh fang tiat lek var ve ve sahuat a nei a, chumi lai ah chuan Meihawl emaw Lapua emaw thil zang tak  in vawm fuh chat i la, a thih pui nghal mai thin” an tih te khan kan awih thei nia mawle! Engle khawle kan naupan laia kan lo sawi phul ve hlut thin te hi Thu puar paw leng mai mai mah ni se ramsa emaw mihring te hian sahuat chu kan neih ngei a rinawm ve tlat. Mipa pawh hi kan sahuat a in pet palh chuan AW hi a sin rawt thei te chu an la ti ta deuh deuh a, tak tak ni maw 🙂

India stock market Index rinrawl ber mai NIFTY/SENSEX pawh hi a sahuat lai, a nak nemah kan chhun fuh ta nge maw ni hei a vial ang ngawlh ngawlh leh nghal a :-), chuti taka a sahuat lai a zuk chhun tu fei ki bar ang mai a zuk hawlh zawk tu chu i thlir ho leh dawn teh ang u hmiang.Chumi hmain ka sawi nawn fo thin “Disclaimer” mawlh mai kha, sawi nawn kilh kelh tawh lo mai ang, mahse ka chah nawn leh tho teh ang che u, tuna NIFTY analysis rawn ziah leh tur hi a dik lo palh a nih a, market ah LOSS palh in awm vaih chuan min rawn puh ngawt thei lo ang, a engamah hma in ka rawn in tlawh khalh lawk a nih chu. “MAH RE RE SE” pawh rawn ti mah u la “KA PHA SA NGHAL THO THO”

NIFTY SAHUAT a chhun tu chu:

Sawi fiah hma in hemi hma chiah a post tawh hi uluk taka chhiar leh theih ni se, tuna ka thu rawn ken laimuril hi sam leh zualin a hriat thiam theih ang. Kha le Post hmasa chhiar leh phawt ang le http://maawma.com/?p=1661.

Tuna chart rawn tih lan hi thu ziah hmasak zawk a BUY signal rawn sawi nalai kha a nia, mahse Nifty/Sensex a chhuk thlak hlek avangin “STOP LOSS dah na lai tur” ti a rawn sawi NIFTY 5165 kha a pel thla a ni. STOP LOSS per angah ngai ta i la, mahse sawi tawh angin CALCULATED LOSS a nih tawh avangin khatiang STOP LOSS perah chuan tumah in chhiat pui lo turah ngai phawt ang. Entry hmasa rawn sawi tum khan US Dollar kha a san tawp (Resistance) thleng tawh anga ngaih a ni hman a, mahse a chhoh chhunzawm leh tak avang khan NIFTY/SENSEX pawh kha a tlak chhunzawm leh ta a ni. He US Dollar in India Stock market ah thil a tih theih zia chu “Almighty Dollar” thuziak ah khan rawn ziah lan tawh a nia, chhiar chhunzawm leh duh chuan hetah hian chhiar tur a la awm e. http://maawma.com/?p=1391

STOP LOSS dahna a pelh thlak atanga kar 5 na ah chiah chuan hei BUY SIGNAL a rawn lang leh tlat mai, chumi BUY SIGNAL chu i han chhui chiang leh teh ang le.

Nifty Analysis:

1. Candlestick Analysis

TimeFrame: 1 Week

STOP LOSS sawina lai a pelh thlak atang khan 1 week Japanese candlestick hi chhiar thla ta i la, kar 5 chiah a pelh hnu hian chhiar theih in candlestick ho hi a rawn in rem leh ta thet mai.

Stop loss per hnu chiah a candlestick pa 5 zinga pa 4 hi thlur bing chho leh ta i la, Reversal candle lar em em mai Hammer Candlestick chu vawi 2 ngawt mai a rawn lang a, chumi hnu ah Bullish Engulfing candle in a rawn chhun zawm leh bawk a, hetiang a Financial market ah reng reng Price a chhuk thlak ngar ngar tawh a, hetianga reversal candlestick a rawn intlar thet tawh hi chuan BEAR (Seller) ho hi an chau tawh hle a, BULL (BUYER) in an rawn nawr dawn a ngaih a ni tawh thin a ni. Candlestick chungchang hi post thenkhat ah rawn ziah tawh a nih vangin chipchiar tak chuan sawi nawn tawh lo mai i la.

2.Trendline Analysis

Timeframe: 1 Week

Resistance  Support Reversal:

Dt 10th April 2011 a Trendline 1 rin kha NIFTY/SENSEX hian a zawh thla zar zar a, ti chuan chiang tak maiin Dt 1st Feb 2012 khan a lo tawn tlang chho ta a, chumi vang chuan hemi hma chiah article pawh kha rawn ziah a ni ta reng a, tichuan NIFTY chu tlem la chhuk thla hlek in a hma Trendline 1 Resistance ni ngar ngar kha Support ah a rawn ni ve leh ta thung a ni. NIFTY/SENSEX hian he Trendline 1 hi kum khat chuang zen zawn chu zu han zawh char char a maw le! Kei pawhin hetiang chen chen hi a zawh ang tih hi ka ring bik lo reng reng, NIFTY naknemah Trendline 1 hian kan zuk chhun chu a ni ber e.

Hetiang a Resistance leh Support han in leh thal chung chang hi thil thar a ni lem lo a, tun hma daih atang tawh a lo awm sa thin reng a ni e. Chhiar chhunzawm zel duh tan: http://www.investopedia.com/articles/trading/06/supportresistancereversal.asp#axzz1xbK3bshE

3. NIFTY  Future Trend:

Timeframe: 1 Week

Trendline 1 (Resistance) ber Nifty in Support ah a rawn hman tak ah chuan New Support Trendline (Light Green) thar rin leh ta i la.

Point  1: Dt 2nd Nov 2008 Nifty 2288 (Low) atang hian pawt chho tan i la, hei hi hman deuhva Bear Market/Stock market crash kan tih tawp hun lai vel kha a ni.

Point 2: Dt 8th Mar 2009 NIFTY LOW 2525 (Low) ah hian Trendline chu nghat chho leh ta i la

Point 3: A chunga point pahnih nghahchhan hian ngiltakin New Support Trendlin rin chhoh chuan Dt 18th Dec 2011 NIFTY 4536 (Low) zawnah tak a han in nghat chho leh chiah dawn tihna a nia

Point 4: Tichuan pawh chhoh tlang zel chuan kar hmasa Dt 3rd June 2012 NIFTY 4758 (Low) ah bawk a la in nghat ta cheu mai! New Support Trendline ah a ngaihruat theih mai awm ve.

4. Profit Target:

Rin anga NIFTY/SENSEX hi a chhoh zel chuan Profit laknan Line hring rinna lai Nifty/Sensex point ho hi hman atan a tha mai thei.

1st Profit Target: Nifty 5600/Sensex 18500

2nd Profit Target: Nifty 6300/Sensex 21000

5. Stop Loss: Hei ha, ka va han kham tawh tak em STOP LOSS, NINAWM TEI VET!

Rin loh zawng a market a kal thut chuan STOP LOSS hi NIFTY  4500/SENSEX 15000 ah hian dah ni se la. Stop Loss awm nalai zawn hi NIFTY/SENSEX vir che kual velin a pelh theih loh chuan Chart pattern lar em em Double Bottom awm turah a ngaih ruat theih a ni. Mahse a pelh thlak erawh chuan Double Bottom ni thei loin SUPPORT a break/breach tihna a ni dawn a, Lengkir a lung vawm thlak ang vawn vawn in a tla lo ang tih pawh a sawi lawk theih tawh loh a ni.

Chiang taka sawi lawk fak theih chu a ni miah lo nangin NIFTY 4500/SENSEX 15000 hi a pel thla a nih vaih chuan, rawn chho leh turin a lo berah KUM chu a in then thla tawh turah a ngaih ruat theih a ni. NIFTY/SENSEX hi a chhuk zel a nih chuan a chhuk chhung tur leh chuta tanga a rawn chhoh leh hun chhung tur lo chhut lawkna a awm miah lo kan tih tawh kha. Chumi vang chuan hun rei tak dah minus reng ai chuan STOP LOSS per tir a chhuah san mai kha a fuh zawk tihna a nih chu.

Tlangkawmnan tawi te in sawi nawn lawk ang “BUY A HUN E”

HAPPY INVESTING

Comments

comments

Comments

Comment from caribou
Time June 14, 2012 at 11:23 am

I thuziak te chhiar a manhla thin mang e. Miin ramsa zia zira an tlat dan, an chhuah duhna tur hmunte uluk taka thlithlaia nasataka a beih a, chumi hnua thangkam leh sakah lama a kut a hmui thei ta riau anih chuan a “vanneih vang” a ni lovang, a taihmakna leh thawhrimna vang te, ama thiamna liau liau vang zawk a ni ngei ang.

Hetiang chiah hian market movement ah hian engemaw ti tiin a lo vanneihpui ve theih a, chutih rualin a zira zir tak tak leh tuichilh tak tak, a chhuta chhut peih tak tak te’n hlawkna an hmu reng thin hi, vanneih vang a lo ni lo, tih hi i thuziak tawh ho atang te, nasataka i lo chhut chhuah thin dan ‘chart’ atang te hian ka hmu chiang khawp mai. Mahni chauhva hlawkpui mai lova, midangte tana hlawkpui theihna lai turah thilphal taka i thiamna midangte i share pui thin hi “a va mizo zia” tak em.

A ngaihnawm, a dang pawh lo ziak zel rawh……Han buy belh keuh keuhna tur kan va duh ve le.

Comment from admin
Time June 15, 2012 at 7:16 am

@Caribou: i sawi dik khawp mai, 2003-2008 Bull market lai khan market awm zia hriat vang pawh ni miah lo in, mi in stock market ah investment nei ve ringawt se… market kha UP Trend a kal miau vangin an lo hlawkpui ve ringawt thei, mahse khatiang kha market ah chuan LUCK vang liau liau a ngaih a ni, LUCK vanga lo profit chu “a hnu ah an loss leh tho tho” an tia lawm.

Hetia ka rawn ziah vak nachhan pawh hi, Mizo te hi Stock market ah hian kan ngawng lutuk a, Stock market ah investment kan ti dawn emaw dawn lo emaw market vir che kual ve hi kan hriat tlan a hun ka tia, chumi vang chuang hetiang hian hma ka rawn la mai a ni. Ka rilru ah chuan Stock or Financial market ah ti pung kher lo pawhin a tlem berah mi pa 5 tal in market inlumlet che kual vel dan awmzia hi an lo hriat thiam chuan a tha alawm tihna rilru in ka rawn ziak thin a ni ber. “A rei rei a pung tha, kum thum ah a bin, hausak a ngai, gambling chi khat, Diwali leh March ah a chho thin etc etc” tih vel hi kan hriat dan a ni lek fang a, Mizo te hian stock market/Financial Market kan hlawkpui loh pawh in a nihna dik tak leh chezia hi kan hriat a hun ka ti ve tlat a ni.
I rawn leng lut hram zel a, lawmawm thin khawp mai 🙂

Comment from zobawm
Time October 27, 2012 at 10:55 am

Ramsa zia leh nungchang tlengpawha tuipui kan awm hi chu hma kan sawn hle ani tih a hriat mai.

Comment from admin
Time October 28, 2012 at 9:19 am

@Zobawm, i lo chuangkai teh hlawl a, va ti lawmawm teh hlawl ve 🙂

Comment from Kima
Time December 1, 2012 at 5:18 pm

Ka la hrethiam vak lo na a, ka lo chhiar nasa ve thei khawp mai, I thahnemngaihna hi a ropui thin ngawt mai, I hnung zuitu kan lo la pung zel ang chu maw….

Comment from admin
Time December 1, 2012 at 5:29 pm

@Kima, intih hmuh chi mahse fimkhur erawh ngai tak thil a nia, market hi tha ve deuh a sin, he site ah hian i la rawn leng fo dawn nia

Write a comment





*

You can add images to your comment by clicking here.