C.Lalawmpuia's Blog

(Maawma ninhlei na hmun)

Skip to: Content | Sidebar | Footer

The Bears Growl: Update 8 (Re-Entry)

27 October, 2011 (21:14) | Bulls and Bears | By: admin

Mutual Fund ah investment ka tih hmasak ber hian a hnu lawkah 2008 Bear Market (Stock market crash) nen khan a in nangching a kum 3 chhung a minus, kum  4 naah chuan a pung tlem awmin la chhuak ve a, mahse dah hun chhung chhut let khan kum 4 velah 10% vel punga lak chhuak kha a hlawkna pakhat mah awmin ka hre lo. Kum khat ah 3% vel a ni tihna a nia, awmzia awm lo reng reng, chumi vang chuan a nia fimkhur thu ah hetiang Price rally a awm dawn lo awm anga a awm chuan No Profit No Loss a  chhuah leh nghal vat zel ka duhna chhan hi, Price rally awm hma chiah khan va lut chat zel i la duh leh Price rally tur nghah hun chhung chu thla 4 aia tam pawh ni se a fuh zawk tlat. Market ah engmah risk awm miah lo a thlir ringawt te chu investment minus zat chhut tlut tlut ai chuan a thlan awm fe zawk. Bear Market/Stock market crash laia Mutual Fund leh ULIP  investment  lo tih chu thla tinin a MINUS zat ringawt chhut a nia, ho thei sit set em mai! 🙂 Ka duh tawh lo hrim hrim

Nifty Analysis:

Dt 12 Oct 2011 ah khan sawi tawh angin Entry signal kha rawn sawi hluai a, mahse ni 7 hnu ah pawh Price rally (UP) a awm tak si loh avangin Market a tang khan zuang chhuak leh daih ta kha a nia, chumi hnu ah Support Becomes Resistance awm thei te kha a lo ni bawk nen. Dt 25 Oct 2011 (7:18 AM) article ah khan entry lo chan nawn lehna tur kha rawn ziak lang leh tho va. Entry lehna tur chu Resistance kha Bull candle in a break chhoh hunah chan leh a fuh ang ti khan rawn sawi a, khami ni tlai vek (Market close) khan Bull candle chuan a rawn tawn tlang chho ta a ni. He Bull candle hi Strong entry signal ah a ngaih theih ta a ni. Hriat tur chu engtiang anga Strong Entry signal rawn lang pawh ni se, Money Management leh Stop Loss hi entik lai maha thlahthlam tur a ni lo. Market a ni tih hriat reng tur a nia a ni lo zawngin lo vir thut ta pawh ni se khami kha inrin lawk nghal zel tur a ni. Hetah hian Thuziak hmasa zawk kha chhiar tur a awm e. http://maawma.com/?p=1359 Entry signal chu thlir ho leh ang le.

Thuziak hmasa zawk  The Bears Growl : Update 7 (Whipsaw) a mi Entry signal ngaih chan na lai sawi kha ti lang nawn leh ta bawk i la

 

Profit Target: The Bears Growl hmasa bera rawn sawi fo Trendline 1 thleng kha profit target ah hman a tha mai awm mange tih kha a nia, chumi chu Nifty 5450-5500 bawr vel thleng a ni. Hemi point hi a han thleng a nih chuan, market atanga zuan chhuah leh daih a market awmdawn ngaih chan leh phawt kha a fuh ang. A chho tlang tur a nih chuan tuna entry chan ang bawk hian Bull Candle bawkin Trendline 1 hi a break nghah leh tur a ni, chumi hunah chuan BUY leh mai tur zawk a ni. Thil pakhat hriat atana tha mai mai chu Bull candle hian Trendline 1 hi a tawn tlang chho a nih chuan Bull Market in a chhunzawm thei tawh a ni, mahse hei hi chu engmah a la chiang chuang lo, tun din hmuna a lan danah chuan Resistance han retest ringawt hi a ang zawk mah a, chutiang anih phei chuan a tla leh daih thei zawk a ni. Chuvangin profit target thleng chauh ngaihchan rih kha a fuh zawk mai thei a ni. Chuchuan nasa takin Investor hmelma lian ber mihring mizia a bet tlat GREED pawh a control thei ngei ang le.

Comments

comments

Comments

Comment from caribou
Time October 29, 2011 at 5:03 am

Trendline hi a thui tulh tulh a, profit target a hniam tulh tulh anih ber hi maw. Resistance ho hi Support ah han inlet chho phak phak mai se. Tichuan chho zawngin trendline han rin chho ve thung tawh ila. Picture hnuhnung ber i rawn dah khi a tha kher mai. I thuziak reng reng a picture/chart nen lama i rawn dah thlap thin hian i blog hlut danglam bikzia a tichiang hle.

Comment from admin
Time November 9, 2011 at 12:57 pm

@Caribou: Ni ve deuh e, mahse trednline sei deuh hi a break tawh vek chuan na deuhin a chho/chhuk vak duh lutuk. Downtrend line pawh thui tak kum 2 vel chhuk thla ta se, a break tawh vek vek chuan a chho pawp mai, chutiang chiah in UpTrend Line pawh thui tak a chhoh chuan vawi khat a break in a baw thla hawk zel tho.

Write a comment





*

You can add images to your comment by clicking here.