C.Lalawmpuia's Blog

(Maawma ninhlei na hmun)

Skip to: Content | Sidebar | Footer

The Bears Growl : Update 7 (Whipsaw)

25 October, 2011 (07:18) | Bulls and Bears | By: admin

Whipsaw hi a hming rawn put chhan tak chu Thing Mistiri in Ara a thing an zai laia Ara an nawr tawn chhen ang hian Price hi rei lo te chhung tan hian awmze nei lo in a chho thut a, a chhuk leh thut thin, hetianga Medium term trending pawh ni chuang lo a, price ni hnih khat chhung a chhoh thut a ,a chhuk leh thut ang hi Whipsaw tiin an sawi ta thin a ni. Hrilhfiahna dang leh chu Technical Analysis ah hian Chart pattern leh indicator chi hrang hrang atanga Entry signal a rawn lan hian, rin lawk loh ang zawng hian kal chang a nei thin a, chumi sawinan chuan Whipsaw hi hman a ni.

Whipsaw chung chang hi mithiam ho ziah chhiar chhunzawm leh duh tan Erich Senft, Certified Technical Analyst ziah hi hetah hian chhiar tur a awm e.

http://www.commoditycentral.com/trading-through-a-whipsaw.htm

Chhunzawm leh tawh ang le:

Dt 12 October 2011 a lo sawi tawh ang khan a tuk 13th October 2011 chuan tlem te in lo BUY ve leh a, mahse BUY signal rawn lang mahse buy atanga ni 7 na ah chuan market atangin chhuak leh daih! Heta ka chhuah leh na chhan chu BUY signal rawn lan atanga ni 3-4 velah pawh price rally (UP) a awm si loh avangin ngai awh chiah (No Profit No Loss) in ni 7 na ah Market atangin zuang chhuak ve leh mai a ni, hetia entry signal a rawn lan atanga ni 7 na thleng pawha Price rally tur awm ang a a lan loh chuan beiseina nena nghah chi a ni lo, chhuah leh nghal zel mai tur a ni. Entry dang chan leh zawk zel kha ka duh zawk vang a ni, hetia entry dang lo chan zel hi a tha ber tihna pawh ni chuang loin mahni duh thlanna ah thui takin a in nghat e. Mahse a san lai a lei a, a hniam tawp rak thleng dah tan hi chu ka tum tawh lo reng reng, kum 3 chhung dah minus char char a, kum 3 hnu ah ngaiawh chiah a lak chhuak leh hi ka ngaih danah chuan kan LOSS tho tho ka ti ve tlat. Kum 3 tal tap engmah pung lova dah tan hi ngaiawh chiah in kum 3 hnu a lak chhuah hian a HUN kan LOSS kha loss a ni tawh tho tho.

A chunga rawn sawi tawh ang khian, BUY atanga ni 7 ni thleng pawh a Price Rally (UP) a awm tak si loh avangin Market atanga zuan chhuah leh a ni ta a ni, Entry dang chu a rawn in her chhuah leh nghah a ni tawh mai.  Ahnuai ah khuan Entry dang lo chan leh dan tur chu ziah a ni e.

Awle, hetianga Long term leh Medium Term tana decision siam zung zung hi Price Chart atang lo chuan a har khawp mai, a chhan chu Market (Nifty/Sensex) hi nitin mai a market hi chhuk leh chho reng a ni mai si a, price rally tur ang te phei chu Chart atang lo chuan rinlawk ngaihna hi a vang kher asin.

Achunga ziah tawh ang khian Price rally a awm tak si loh avangin Market atang chuan zuan chhuah daih a ni ta a, mahse hetiang hi Entry awm tura ka lo ngaihchan leh dan tur chu a ni, a hma a disclaimer rawn sawi tawh ang khan hetiang entry hi Guaranteed profit a ni lo a, mahse Professional hoin entry an chan dan thin chu a ni, hetiang Entry signal hi a rawn lang lo a nih chuan tunhnai ah chuan Entry a awm rih lo mai thei

Support Becomes Resistance:

Price in Support vawi 2/3 vel a hman tawh a break hian Resistance ah hian a hnu ah a hmang leh duh khawp mai a, chutiang chiah chu tuna Nifty ah pawh kan hmuh ang hi a ni. A hma entry signal rawn sawina Bull candle khan he Resistance a hma a support ni thin Resistance a hman tak hi a break rin vang a rawn ziah kha a nia, mahse ni 7 hnu ah pawh a break theih tak si loh avangin market atang khan zuan chhuah san leh mai a ni. Chart a lan dan ang khuan Line pawl (blue line) khu a hma in Support a ni thin a, mahse a hnu ah Nifty in a break tak avangin Resistance ah a hmang leh nghal a ni. Support becomes resistance chhiar chhunzawm duh tan hetah hian chhiar tur a awm e.

http://www.investopedia.com/articles/trading/06/supportresistancereversal.asp#axzz1bhIJtBmU 

Tichuan Entry leh tura lo chan leh na tur chu Bull candle in he Resistance line a hma Support ni thin hi a break chuan a hma profit target ngai kha ringa zuan luh leh chi a ni mai thei, mahse Stop loss erawh a hma aiin tlem a sang deuh ah dah chhoh leh erawh a tha thung ang. Bull candle in a Resistance hi a tawn tlang chhoh loh erawh chuan Entry leh rih loh mai tur a ni. Happy Trading

Comments

comments

Comments

Comment from caribou
Time October 27, 2011 at 8:09 am

Support khi resistance ah a inthlak daih a nih si chuan ‘tlakhniam’ lam a va pan duh mai awm ve le. Han up deuh pawp pawp rih lawk se ka tia sin maw le.

Tun Diwali hian market hi a chawi chhoh belh hlek i ring ve em? Kei chuan ka lo ring ve ngawt a.

Hman zek zawkah uluk tawkin i thuziak hi ka chhiar nawn leh ang. I ziak chiang kek kawk viau na a, vawi khat chhiar ringawt hi chuan ka fiah tawk zo thin lo deuh.

Comment from admin
Time October 27, 2011 at 4:21 pm

@Caribou: hemi ziah hnu lawk hian Entry signal lo lang leh tura ka beisei kha a rawn lang nawn leh a, rawn update leh nghal ang. BUY signal a awm tlat mai.
Chhiar nawn i tih lai khi a dik chiah, keimah ngei pawh ka ni thin a lawm, vawi khat chhiar in a hriat theih loh, vawi tam tak chhiar nawn a ngai thin, chuan market price nena han hmeh bel leh te nen hun a duh rei tak zet a ni. Mahse beidawng miah suh, kum 5 vel tal a vei a ngai an tih hi a dik chiah a nia.

Write a comment





*

You can add images to your comment by clicking here.