C.Lalawmpuia's Blog

(Maawma ninhlei na hmun)

Skip to: Content | Sidebar | Footer

The Bears Growl: Update 6 (BUY Signal)

12 October, 2011 (23:41) | Bulls and Bears | By: admin

Disclaimer:  Hetiang ang Entry signal ah hian professional tam tak in an BUY na thin leh ULIP ah Fund an switch na thin chu a nia, amaherawhcu hemi avang chuan Guaranteed Profit a ni kher lo tih kha hriat a tha a nia, Market a ni tih hriat reng a tha, a ni lo zawngin a vir thut thei chumi avang chuan Entry (BUY) hmain, market hi rin loh zawngin lo kal palh ta thut se chhuah lehna tur (Stop Loss) pawh plan siam lawk vek zel tur a ni, market ni lo zawnga kal vangin lo BUY si a, loss palh in awm chuan a ziaktu hian mawhphurna a nei lo ang, EDUCATIONAL PURPOSE atan chauh a ziah a ni tih kha hriat reng tur a ni.

Entry signal nghah chhung a rei lutuk a, mut a chhuak hman mai dawn lawm le!  Tun tum chu thil dang ziak teh duah lo in Entry signal nghah char char a, ka lo BUY chat na thin hi naktuk (Dt 13 October 2011, Thursday) a buy hma in rawn ti lang teh ang.

Nifty Technical Analysis:  Vawiin Dt 12 October 2011 (Wednesday) market close khan Nifty chu 5113 a rawn ni a, mahse vawiin Bullish Candlestick formation chuan thu tamtak a rawn sawi tlat mai! Kar 8 dawn ranging market a nih avang khan engmah Entry signal kha hmuh tur a awm lo reng reng a! Hetiang ranging nasa lutuk ah hian mitam tak in hremiah lo a an luh risk pawp pawp thin avang in hetiang angah hian an loss nasat na thin a ni. Hetiang ranging hi scalper leh Day trader tan chuan tlem te te profit a lo siam theih thin a, mahse hetiang Scalping/Intraday trading hi chu mitam tak tan tih chi a ni lo, experience ngah tak tan lo chuan tih loh tur a ni.

Chart a kan hmuh angin kar 8 (8 weeks) chhung khan Double Bottom Chart Pattern a rawn lang hman tawh a, hei hian Price Rally tur a rawn ti lang thin kan tih tawh kha. Tichuan Micro Trendline rinthla leh ta zai zai ila, vawiin (Dt 12 October 2011) market in close chiah khan he Micro Trendline hi Japanese Bull Candle in a rawn break chho ta a, hetiang angah hian mitam takin an BUY ta thin a ni. Mahse disclaimer a rawn ziah tawh angin market a ni a, rin loh zawnga a kal thut chuan a loss theih avangin chhuah lehna (Stop loss) kha in rin lawk nghal vek tur a ni. Rin loh zawnga market a kal tak thut chuan Line sen rin zawnah khian chhuah leh nghal tur a ni e.  BUY signal awm mahse hriat reng tur chu “The Bears Growl” article ziah hmasak ber a TRENDLINE 1 kha a chungah Resistance chak tak a la awm avangin khami lai thleng chauh kha profit target ah hman thung tur a ni, chumi Nifty point chu 5450 – 5500 bawr vel a ni, a chho tlang ta a nih leh a hrana BUY leh mai zawk tur a ni. He BUY signal rawn sawi hian “BULL Market a ni tawh e” tihna a la ni lo, hemi profit target a thlen hnu hian a tla leh daih thei a ni.

Hriat tur chu hmanni market a tlak thut atang khan thla 3 aia tam Entry singal nghah tawh a ni a,  hetiang anga nghah ngat ngat tawh chin hi SHORT TERM a ni thei lo reng reng. Short term chu tun kar 8 chhunga (Last 8 weeks) tlem te te Day Trader/scalper hoin rei lo te nitin an lo trade thin ang kha short term an tih tak a chu a ni. Tuna mi ang hi SWING Trading an tih chu a ni e. Chuan naktuk Dt 13th October 2011 ah chuan tlem te BUY ve leh dawn e, ka lo dik lo palh a nih chuan Stop Loss dah na tur rawn sawi na ah khian ka chhuah leh na tur a ni, dik chuan Profit target rawn sawina (5450 – 5500) hi a ni e. Hei hi 1:1 Risk Reward ratio chu a ni e. Happy Trading

Comments

comments

Comments

Comment from Caribou
Time October 13, 2011 at 10:33 am

Double bottom pattern zinga a hnuhnung zawkah khian buy ka tum a, bank atangin security code ka dawng thei lo reng reng, zan dar 8 ah daih ka dawng. A fair lo asin aw.. Ka buy thei ta lo anih kha. Vawiin lama belh chu a sang leh tawh viau lo maw?

I thurawn min pek thin ang khan a hniam laiin ka manual in ka belh keuh keuh a, a zia khawp mai.

I thuziak reng reng a tangkaiin chhiar a manhla thei khawp mai. Tun aia zing deuh hian lo post thei thin la a zia tur.

Comment from admin
Time October 16, 2011 at 4:24 pm

@caribou, khatiang kha buai thlak duh teh mai nia, kei pawh SBI stock kha tlem lei tum a, Trading terminal a rawn in load thei lo chu a huat thla la duh awm kher a sin. Awm hmun ah in sawh nghawng nghawng ringawt mai.

Nia kha tia tlem te te a lo lei zeuh zeuh kha a fuh ber mai, khatia Manual a lei zeuh2 kha nghah peih phawt chuan a pung thei chiang a lawm.

Blog hi rawn update a regu deuh a rawn update chu a chak awm ve thin khawp mai, mahse ziak mi nih loh hi chuan rin aiin hun a duh ve thei reuh lutuk a, tunah pawh article ziah lai mek a awm reng a, ka la puitlin thei thlawt lo a ni, rawn update leh ange.

Comment from caribou
Time October 16, 2011 at 11:11 pm

Ka’n ti leh hram teh ang. Tun tuma i article ziak aia chianga thuziak hi ka la hmu miah lo. Buy signal leh Profit target chiang takin i ziak a, chu mai pawh duhtawk lovin Stop Loss nen lam. A va han chiangkuang tak em.

A hniam laia lei chuan, market a han che hlek a, a up zawt zawt mai. I advice ang ngei hian profit target thlen veleh zuan chhuah daih chi anih hi.

Write a comment





*

You can add images to your comment by clicking here.