C.Lalawmpuia's Blog

(Maawma ninhlei na hmun)

Skip to: Content | Sidebar | Footer

The Bears Growl: Update 5

21 August, 2011 (22:00) | Bulls and Bears | By: admin

India Broker ho hian an client te hnenah hian nitin deuh thaw in point 2-10 vel lek lek hmuh theihna Company stock leitur a chang a dik a chang a dik lo Entry leh Exit signal, Technical Analysis hmanga an en hi an rawn thawn thin a, hemi vang hi a ni angem aw mi tam tak hian Technical analysis hi short term atan chauh a an ngaih na chhan hi tih te ka ngaih tuah mai mai thin. Technical Analysis ah chuan Short term a ni emaw Long Term a ni emaw market hmel hmang zuk thlir na ringawt a ni, hemi atang hian Trader ho in an strategy hman a zirin Long Term leh Short term atan an luh chilh ta mai thin chauh zawk a ni sia. Technical analysis ah hian Time Frame lian ah chuan kum 25 hma lampang daih a price pattern te kha an en let thin zawk a ni, kum 25 chin tawh te hi chu engtiang pawha teh in Short term a ni thei lo reng reng, mihring kum chhiar pawhin kum 25 damthleng hi malsawmna a ni der tawh. Thil inhmeh lo em em mai chu Timeframe lian hmangin kum 25 chhung backtest tawh hnu ah mi in short term trading ti ta daih se (ni hnih khat chhung lek), khatiang kha thil inhmeh lo lutuk a ni. A awmzia chu Short term trading ti duh in Timeframe hniam in Technical analysis an hmang mai a, Long Term trading ti duh in Time frame lian in Technical Analysis an hmang leh mai thin zawk a ni e.

Technical Analysis ah hian kan ngaih dan dik lo tak pakhat leh chu Gregorian calendar kan hman mek anga kumtin a thlabi (January, February, March….. December) rawn thleng dik chat chat tur a ngaih na hi thil dik lo lutuk a ni, Technical Analysis ah chuan market price trend hi zir ber a nia, chumi trend chu engtik ah nge a tawp anga, engtik ah nge a let leh ang tih lo rin lawk na zawk a kha a ni, hei hian engtik ni, kum leh thla ah nge a tawp/let ang emaw tih lo chhut lawkna lam a ni lo, hei hi Technical Analysis hre thiam miah lo hian an hriat sual phah fo thin a ni. Helai chung chang ah hi chuan Martin Pring kam chhuak hi ngai thla teh ang, a ni hi a lehkhabu ziah pawh Certified Market Technician exam tur hoin an zir ngat a nia. Hrechiang duh tan www.pring.com ah a tlawh theih e.

httpv://www.youtube.com/watch?v=HIq3MkR55l4

Mite angin College leh University lamah thiam na em em han chhuan tur nei ve lo mah i la, kan college luh lai ti ve khang lang i la University of Poona hnuaia BM College of Commerce ah kum 5 tal tawp college kan kal ve lai khan, kan subject zir pui ber mai chu Accountancy, Financial Management, Banking and Finance  te hi an ni ve a, chumi avang chuan Company Annual report, Financial condition, Profit and Loss account, Balance sheet etc te hi ka chhiar ve thiam nial nual a, Accountancy subject a kum 5 chhung tawp kan nitin chawh thin te kha ka bih let leh ngial pawh hian engtin nge Company stock price hi khang Company data/figure khan a tih chet hi tunthleng hian ka la chhui fuh thei lo reng reng nia mawle! World Financial market an rawn control na hmunpui Wallstreet ah pawha Professional Accountant ni pha ngat tawh, chumi hnu a Professional Trader ni ta, Oliver Velez  hian “A THEIH LOH” zu han ti tawl a mawle. Company Stock Price ti che tu ber zawk a chu GREED leh FEAR vang chauh a ni a ti, GREED hi Bull kan tih fo leh FEAR hi Bear kan tih fo a tho kha a ni e. A ni chauh lo pawh Professional trader dang pawhin Price volatility hi Market sentiment vang chauh a ni tih hi an ring vek. A ni chiah reng bawk a ni.  Visit www.olivervelez.com

httpv://www.youtube.com/watch?v=VnjuTAFyhtA

Hetiang a nih a vang hian mi in Co-efficiant of correlation, Balance sheet, New project, Financial position, Govt policy etc atanga Company stock lei dawnah entry an lo hmu tlat emaw hetiang vanga company stock price a che tlat anga an ngaih chuan an ngaih ang khan ngaih tir mai tur, tihvak ngaihna a awm chuang lo. Tikhan lo ring ve mai mai rawh se.

Trader lar em em mai, Moving average hmanga stragtegy pawh hmu chhuak ngat tawh Joe Dinapoli pawh hian Accountant ho hi trading zirtir har ber an ni e, zu han ti thlawt a mawle. www.fibtrader.com

httpv://www.youtube.com/watch?v=Ja6tgVUrtEQ&feature=related

Technical analysis tangkaina:

A chung lamah khian Technical Analysis in a tih theih loh na lam rawn ziah a nia, enge a tih theih ve thung thlir leh dawn teh ang

Dt 10th April 2011 ah “The Bears Growl” ah khan Support nih mai theih na lai chu  Nifty 4864.4 (Fib 38.2%), 4412.1 (Fib 50%), 3959 (Fib 61.8%) leh 3400 (Fib 76.4%)  ah a ni e tih kha ziah a nia.  Dt 19th August 2011 ah Nifty 4847 ah a rawn in close na hi Fibonacci ratio 38.2% zawn ah chiah a rawn ni leh chat mai. A hma atang daih tawh a Support awm na tur lo rinna kha, thla 5 pumhlum dawnah Nifty in a rawn thlen chuan points 17 chiah in a in thlau a ni! Hetiang market lian lutuk a point 17 chauh rinsual chu a tha thawkhat ve viau e.  Hetiang  anga Support leh Resistanc a hma daih atanga a lo rin lawk ang hi Technical Analysis atang lo chuan a theih lo tawp, Fundamental Analysis atang chuan a tih ngaihna a awm lo reng reng, tum buai duh suh u, a theih chuang loh. Hetah hian The Bears Growl thuziah kha chhiar tur a la awm e. Click here

The Bears Growl series dang ang bawkin Nifty Analysis rawn ziah leh ka tum zet a, mahse market hi a bearish em mai a, entry a awm pawhin short term tak meuh meuh a la nih dawn avangin rawn ziak leh rih lo mai ang, mahse tuna Nifty 4847 support hian a lo dan zawh loh chuan Fibo 50% ah hian en leh phawt a la fuh cheu ang, tuna Support 4847 hi a la break zawk a rinawmna chu tunkar kal ta pawh kha Bearish candle lian tak in a la close tlat mai a (Bear an la chak zawk), hetiang ah hi chuan tlem a chho deuh a nih pawhin Pull back chauh a la ni duh khawp mai. The Bears Growl thuziak a “Trendline 1” rawn sawi fo kha chung lamah Resistance strong lutuk a la ni bawk si, a tawi zawngin Bull market ni tur chuan a la hma deuh a ni e.

Comments

comments

Comments

Comment from Caribou
Time August 22, 2011 at 10:49 am

A ngaihnawmin a bengvarthlak thin mang e. I sawi lawk hi a thleng duh riau mai. A mak ka ti. Ka ULIP (bi-annual premium a nia) ka switch ve lehpek lova, a ho ngawt mai. Fund switch hi a har em? Ka la ti chhin miah lova.

Video khi ka hman veleh en ka tum ang.

Comment from admin
Time August 23, 2011 at 8:47 am

@Caribou: i rawn leng lut hram thin a, lawmawm thin hle mai. Charting hi mi in an ngaihsan vak lem loh ai hian Financial market ah chuan hei aia analysis rintlak hi ka hre lo reng reng. Zirlai bu ziak thei khawp a market chanchin (Story/History/Definition) sawi thei pawh hi Nifty/Sensex point tur han rin tir chhin mah teh, an RISK vel mai mai ang, khatiang kha hlauhawm lutuk, Gambler dik tak an ni. Professional ho chuan “Blabber” an ti mai thin 🙂
Fund switch chu har lem lo ve, userid leh password neih tawh chuan vawi 2-3 vel lek click a ni mai.
Hriat ve mai mai atan tha chu, ni khat market inclose na price chiah ah fund switch duh chuan khami ni tlai dar 3 (cut off time) hma a switch ngei ngei tur, cut off time hnu ah chuan a tuk market close kha a ring zel.

Comment from Ramesh Joshi
Time October 10, 2011 at 9:47 am

Dude.. you are into this market thing…!! I have been actively trading for 3years .. I trader like everyday..lolzz.. didn’t make any money.. but love to trade..!! Watcj out for Suzlon shares.. lolzzzz…

Comment from admin
Time October 11, 2011 at 12:06 pm

@Ramesh Joshi: Using Technical Analysis is highly recomended for active traders :-). Chart atang loh chuan a theih loh lawm.

Suzlon shares chu a ranging nasa em a nih hi, hetiang te chu Price chart lo te chuan han trade ngaihna awm reng reng hlei nem 🙂

Write a comment





*

You can add images to your comment by clicking here.