C.Lalawmpuia's Blog

(Maawma ninhlei na hmun)

Skip to: Content | Sidebar | Footer

Forex Market

16 October, 2009 (16:44) | Bulls and Bears | By: admin

Chiahpuam lar zual lai khan Forex hi rawn sawi rik leh zauh a awm thin a, mahse chiangkuang taka a chanchin chhiar tur chu a awm lem lo! Stock market leh Investment thenkhat chu a chanchin kan hre nual tawh hlawm anga. A chanchin ril deuh hlek a ziak an awm loh vangin ka han ziak ve ta mai a ni e. Khati taka chiahpuam a ron lar hluai na chhan pawh kha mi tam takin Forex emaw an tih vang niin a ngaih theih. Forex Market chungchang hi a chipchiar chuan sawi sen a ni lo vang a, a tlangpui chauh han thai lan kan tum ange.

Forex tih chu enge ni a awm zia? Forex chu FOReign EXchange Market tih na mai a nia, FX Market tih pawn sawi a ni bawk. A awmzia ber chu mi ram pawisa in lei/hralh tawn sak na a ni ber mai awm e. Khawvela financial market lian ber a ni a, ni khat ah hian $4 Trillion transaction hi a awm reng a ni. Rampawn zin dawn a, kan Indian Rupee ken US Dollar/Euro te travel agents (Thomas Cook/Cox and Kings) a kan thleng hi Forex nen chuan hriat pawlh loh tur a nia, heng hi chu Foreign Currency Exchange an nia, an in ang lo. Indian Rupee leh Myanmar Kyat te Tiau a thleng pawh hi Foreign Currency Exchange an ni.

Forex Market a thu hman lar then khat te:

  1.  BID/ASK: Forex market ah chuan Currency hi pair zel a trade a ni a, EURUSD/ USDJPY/ EURJPY/GBPUSD etc. Currency hmasa zawk hi Base currency ti a sawi a nia, a hnuhnung zawk hi Counter Currency tih a ni. Base Currency hi BID/ASK price chhut na ber ani. BID price hi EUR a USD kan lei na a nia, chutiang bawkin ASK price hi USD a EURO kan hralh lehna tur rate a ni. EURUSD ah hian EUR hi Base Currency a nia, USD hi Counter Currency . He thu ziah lai hian EURUSD chu 1.3366 ani. Eur 1 leh $ 1.33 a in tluk tihna ani. 
  2. PIP (Price Interest Point): Currency khat emaw pair a unit te ber sawi nan a hman ani . USD ah chuan 1 cent nen a in tluk. EURUSD hi 1.3366 atangin 1.3368 ah in sawn chho se la, 2 pip in a sang ti a sawi a ni. 1 pip = 0.0001 for EUR/USD, or 0.01 for USD/JPY
  3. LOT: Transaction awm apianga Unit Size sawi na a ni. Standard Lot, Mini Lot leh Micro lot a then leh a ni. EURUSD ah chuan Standard lot 1.0 = $10, Mini Lot 0.1 = $1, Micro lot 0.01 = $0.10
  4. Spread:  Spread chu Bid Price leh Ask Price inthlauhna na ania, hei hi Broker in an commission lo lak ve thin a ni. A tlang pui thu in 2-5 Pips an la thin.
  5. Trading Hours: Forex Market hi 24 hour market a nih avangin engtiklai pawhin trading hi a tih theih reng a, Saturday leh Sunday tih loh ah chuan. New York ah Market a in close hian Tokyo ah a in open ve leh nghal a, hemi vang hian 24 hours market a lo nih phah ta a ni. Trading Session ah chuan GMT (Greenwich Mean Time) hi hun enna ber a nia, Aizawl ah hian +5:30 GMT kan hmang. Trading hours te: 
  • London Session 8:00 AM to 5:00 PM GMT,
  • New York Session 1:00 PM to 10:00 PM GMT
  • Tokyo Session Midnight to 9:00 AM GMT
  • Sydney Session 10:00 PM to 7:00 AM GMT

 

  1.  Broker: Broker ho hi chi hrang hlawm lian tak in an in thliar hrang leh a, ECN (Electronic Communications Network), MM (Market maker) leh IB (Institutional Bank). Broker hi thlan fimkhur an ngai hle mai, khawi ram mahin Forex Broker tan hian dan leh dun a zam theih loh avangin thlan fimkhur a ngai hle. Thlan sual chuan pawisa kan chiahpuam a ni mai. Broker hi ram tinah an in zarpharh a; USA, UK, Norway, Japan, Russia, Australia, Cyprus, New Zealand, Kuwait, Ukraine, UAE etc Forex scam pawh Broker atang hian a om thei a ni. Mahse hemi karah hian Broker rintlak tak tak poh an awm. Forex trade dawn chuan sum tam tak neih hran a ngai a lo, broker in a minimum amount an tih zat atang in a trade mai theih a ni. Broker then khat chuan USD $1 – $100 atangin trade an phal ani. Currency Pair trade theih hi broker in an phal zat a zir a ni mai a, a tlangpuithu in currency pair 30 vel a ni thin, hei bak ah hian Commodities (Gold/Silver/Oil) ho ah a trade tel theih bawk. Gold & Silver market poh hi Currency pair ang tho a BID/ASK price nei an nia. Inchei nan a kan hman ang Gold zuk lei ni lo hian, Forex market ah chuan Currency pair angin a lo tel ve thin ani. Currency pair ah hian Fully Convertible Currency ho hi a ni tlang pui a, tah chuan Indian Rupee pawh hi a la tel ve lo a ni (Mahse Indian Rupee hi Fully Convertible ah telh an tum hnai tih thawm te pawh a awm). Myanmar Kyat phei chu a tel lo leh zual. Ram economy hniam lutuk Pawisa hi Forex market ah chuan pawm a ni lo tawp. Broker then khat ah phei chuan, Trader tur Nationality a zir in Live account hawn phal lo te pawh an awm! Currency Pair trade theih lang sar zual te chu:

 Currency Pair

EUR: Euro

USD: US Dollar

GBP: British Pound

JPY: Japanese Yen

CHF: Swiss Franc

AUD: Australian Dollar

CAD: Canadian Dollar

NZD: New Zealand Dollar

Forex Market trade dawn a thil ngai te:

  1. Computer: Configuration sang a ngai lem lo, Minimum requirement ah chuan 256 mb DDR Ram, 40 GB HDD, 900 Mhz CPU (Intel Celeron), Intel 845 Chipset motherboard, Windows XP  vel tal chu ni thei sela a tawk mai.
  2. Internet Connection: Internet connection chak tak a ngai hran lem lo, mahse 24 hours market ah zuk trade ve tur a nih avangin, connection rintlak a ngai a, Server down ngun deuh hi a pawi duh khawp mai. Dial up Connection atang ringawt pon a trade theih a ni. GPRS hmang pawhin a trade theih tho, mahse Windows OS based mobile (PDA phone) hman a ngai thung.
  3. Bank Account: Broker hnenah hian Pawisa thawn leh dawn nan hian Bank Account neih ngei angai a, a nih loh chuan Broker pangai deuh ah Live account a hon theih loh thin. Broker ah Live account hawn hnu hian SWIFT code min ron hrilh ang a, tah chuan Bank kal tlang in pawisa kha zuk thawn tawh mai tur a ni. A tlang pui thu in USD hi hman thin a ni. Broker thenkhat EURO accept thei an om zeuh zeuh bawk. Credit card nei tan chuan tlem in broker in kan pawisa thawn an lo hmu hma ringawt a ni mai, Credit card hman vangin commission pek extra a ngai fo. RBI in kum khata Pawisa thawnchhuah a phal zat chu USD $100000 thleng a ni. (RBI Annual Policy Statement for the Year 2007-2008, Point 137, Page No 45)
  4. PAN Card (Permanent Account No): PAN card hi Bank atanga pawisa thawn chhuah dawn chauh in a ngai a, chu pawh kan bank account neih na ten an demand chauh in a ngai, chutiang a nih lem loh chuan broker lamah tangkai na a om lem lo. Credit Card a remittance ti tan phei chuan PAN card a ngai miah lo.
  5. Passport/Telephone Bill/ Electrcity Bill: Heng ho hi keimahni min identify tu atan a ngai thin a. Passport hi duh thusam ani, Computer scan image zuk email in a tawk mai.
  6. Trading Platform: Trading platform hi Software a ni a, broker te website ah download turin a awm mai thin, an software download hnu chuan Forex market zuk li luh na tur hmanrua chu lo keng tel nghal deuh vek mai a ni. Mahse broker then khat chuan download ngai lovin online platform nei nghal mai an om bawk. Online platform hmang ho that ve na chu Cyber café atangin eng browser poh (Internet Explorer/Netscape/Firefox) hmang ila a trade nghal mai theih a ni, anni ho hian Java an hmang tlangpui. Mobile based platform a om leh a, hei hi chu mobile atanga hman mai theih ani. GPRS connection a ngai a. CELLONE GPRS poh hi a hman ve tlak, mahse handset ah Windows based mobile a ngai, O2/imate/HTC/HP/Asus etc

Engtin chiah nge Forex market ah hian an trading thin tih tlem han sawi leh i la. Registration tih zoh vek hnu ah Broker ho in account no, password, SWIFT code, Broker Bank Account no leh server IP min ron hrilh anga, chumi hnu chuan trading platform ah khan kan login anga, tichuan helai ram kilkhawr te tak te atangin internet hmangin khawvel a financial market lian ber ah kan zuk trade ve thei dawn ta a ni. Tuifinriat a tui farkhat zuk thlak ve zeuh ang kan nih ber mai chu.

Forex market price hmathlir dan pawimawh tak chi hnih a awm a:

Fundamental Analysis:

Hei hi MacroEconomic factor in a Currency a tih dang lam dan hmathlir a zuk trade na a ni. Inflation, Unemployment leh Industrial Production te hi en ber an ni tlang pui. Factor  pawimawh zual bik te chu:

(i)           Interest Rates: Engram pawh an central bank in lending interest rates te lo ti danglam ta sela, hei hian Currency value a ti danglam nasa thin hle a ni

(ii)          Employment: Unemployment rate hi ram economy tehfung tha tak a ni a, unemployment nasat na ram currency chu a hniam thin a ni

(iii)         Geopolitical Events: Politics inlumlet nasa tak a awm hian Foreign Exchange Market mai bakah market dang pawh a ti che nasa hle thin. Eg Obama an thlan tlin hlim khan EURUSD chu 100 PIP vel in a che a ni

Economic news hi lo thlir a pawimawh hle mai a, heng news avang hian Currency pair hi 100 -150 PIP velin an danglam phah thin. Economic news item pawimawh zual te:

  • Trade Balance, Import Prices m/m
  • Nonfarm Employment Change
  • Producer Price Index m/m, PPI excl. Food and Energy m/m
  • Durable Goods Orders
  • Gross Domestic Product q/q (p), GDP Deflator q/q (p)
  • Nonfarm Productivity q/q
  • Retail Sales m/m, Retail Sales excl. Autos m/m
  • FOMC Interest Rate Statement 

Fundamental Analysis hi currency pair, Long term Trend lo hmathlir nan leh hril lawk nan a tangkai hle a ni.

 Technical Analysis:

 Hei hi chu Forex market price movement chart hmanga lo zirna leh future price awm dan tur lo hriat lawk theih na a ni ber mai. Technical Analysis ah hian factor 2 atanga zir thin a ni a, Price leh volume.

Technical Analysis hmanraw pawimawh zual then khat te 

  1. Chart: Chart hmang hian Price movement hi thlir thin a nia. Chart hman thin te chu Candlestick Chart, Bar Chart leh Line Chart. Japanese Candlestick hi hman uar ber a ni.
  2. Indicators: Price movement ennan a hman vek an nia, chung zinga hman lar deuh te chu Moving Averages, RSI, Stochastics, MACD, Bollinger Bands, Parabolic SAR.
  3. Support and Resistance: Price san ber lai leh hniam ber lai, ngaihruat na hmang line rin na a nia. A san tawp leh a hniam tawp ngaihruat nan a hman ber a ni.
  4. Fibonacci Retracements: Italian Mathematician lar Leonardo Fibonaci hmuh chhuah Fibonacci numbers beh chhan a market om dan tur lo chhut na a ni. A dik duh khawp mai.

  chart

Hei hi EURUSD candlestick chart ani, Moving Average indicator & Fibonaci , 1 day Timeframe.

Tlangkawmna:
          Forex hi a thiam tan chuan consistence income neihna tha deuh a nia, Professional trader ho phei chuan hna dang thawk miah loin Forex hi an buaipui a ni. Tunthleng a Speculative market vanga hlawhtling ber a ngaih chu George Soros a la ni e, karkhat chhung vel lek in Pound hralhna ah $1.1 billion a hlep hman a ni. A pun dan hi a san ber laia chhut chuan Chiahpuam pung aiin a tha zawk daih. A leh lam zawng ve thung chuan sum hlauh na awlsam lutuk a ni ve thung. 95% in an hlawhchham a, 4 % in income pangai tak hmuh nan an hmang a, 1% chiah in an dinchhuah pui a ni. Tuichilh leh chhiarpeih a ngai a, ngaihtuahna tam zawk sen ngaih na a ni a, chutiang tan lo chuan luhchilh chi a ni lo e.

Comments

comments

Comments

Comment from Ditto
Time December 15, 2009 at 11:45 pm

Tha khawp mai …i blog ka vawikhat tlawhna

Comment from Lalrochhuanga
Time December 16, 2009 at 11:12 am

A bengvarthlak hle mai. Rawn ti zel teh

Comment from admin
Time December 16, 2009 at 12:03 pm

@Ditto, in hnial leh i la ha ha,

Comment from Ditto
Time December 17, 2009 at 10:57 pm

@Admin ka hnial ngam tawh teuh lo mai che …..ka zir ve duh zawk.

Comment from admin
Time December 18, 2009 at 2:18 pm

@Ditto, ron update zeuh2 ang, article pawh ziak leh mek

Comment from lalthan
Time January 10, 2010 at 10:53 pm

Ka google na lam ah ka hmu ve hlawl mai. I ti tha hle mai. Mizoram atang chuan forex trade awm chhun i ni lo maw?
Eng Account nge i hman? Tin, enge i market session timing, nge hman hun hun ah 🙂 ?.
Ka lo check thin ang, i lo update zel dawn nia.

PS: Study materials leh guides i duh chuan www(dot)ewef(dot)net ah hian kal la, i duh zawng min rawn hrilh dawn nia.

Comment from admin
Time January 11, 2010 at 8:08 pm

@Lalthan, Ka blog i lo tlawh ve chu i ti lawmawm hle mai. Aizawl atang in tunah hian Forex market luh chilh ve thin chu pa 2 kan awm. A hma mahni chauh nih lai khan a khawhar thlak thei khawp mai, tunah chuan pa2 kan ni ve ta e.
Tunah hian Mini account ka hmang mek.
Aizawl kan vanneih deuh na pakhat chu market session 3 Tokyo, London leh New york hi a vaiin a monitor kim vek theih. kan timezone hi +5:30 GMT a nia. Aizawl a zing dar 5 a thawh hian Tokyo session a nia, chuan tlai dar 2 bawr velah London session a lo ni leh a, chuan tlai dar 6 – 10 bawr vel hi New york a ni leh chiah. Fuh tiu teu deuh sin, hetiang anga market session pa 3 ni khat a awm kim vek theihna hi Aizawl leh a chheh vel lo ah hi chuan a awm meuh lo a sin. Mahse keimah bik tak chuan hetiang a market session 3 ah hian position ka hawng ngai lo. Tokyo session ah chuan price movement ka en mai mai, London, Frankfurt leh New york a in open rual lai vel tak leh New york in close dawn lai vel hi ka chang tlangpui. Dar 7-9 PM (+GMT 5:30 time zone) vel a ni tlang pui.

Guides leh Study material chung chang ah chuan i ti lawm awm khawp mai, i in phal na kha hlu ka ti lutuk. Video, Ebook leh EA vel chu ka nei nual a, Video hi a vaiin 50gb vel a nia, chuan ebook hi 10 gb vel a tling, EA pawh 300 bawr vel a ni e. ebook phei chu ka chhiar peih tawh lo, tam lutuk a :-). Steve Nison a video leh ebook ka bih nasa ber http://www.candlecharts.com http://www.nisoncandlesticks.com. ka elibrary a Study materials leh guides ah duh i neih chuan min lo hrilh la, phur thut chuan pe phal mai thei che a nia. :-). Heng forum hi ka tlawh ngun ang reng http://www.dailyfx.com http://www.forexfactory.com http://www.fxstreet.com. Economic calendar ah phei chuan heng website pa 3 hi an rawn tlak ber ka ti.

Heng ho hi ka lo zawt ve mai mai che
GBPUSD ah hian eng strategy nge i hman, USDJPY leh EURUSD ah enge i strategy hman? Charting software, Trading platform, indicator leh time frame eng ber nge i hman? currency pair engpawh ni se la, Pivot in R2 a lo thlen a, Murrey Math ah +2/8 a nih bawk hian engtin nge i tih thin? chutiang bawkin Pivot ah S2 a lo nih a,murrey math ah -2/8 a lo nih in eng tin nge i tih? Gartley Pattern ah AB=CD nge fuh zawk i tih Fibonacci retracement 38.2%, 50.0 %, 61.8 % a signal hi? Breakout leh Pullback ah enge i strategy hman ber position lak nan? Chart pattern Head and Shoulder ah khawi lai nge signal strong lai ber i tih? a dang poh tam, sei lutuk dawn 🙂

Comment from lalthan
Time January 11, 2010 at 10:49 pm

Vawi khat comment na ah min rawn zawt vak mai a , kan comment ngam tawh dawn emaw ni le :). I thil min zawh dan ah chuan i in chhiar hnem hmel hle mai.

Short term trading hi ka ti vak lova, ka tih ve chhun chhun ah technical analysis ka hmang ve thin. Long term anih erawh chuan, fundamental ka hmang.

Ka thiam dan dan in kan lo chhang ve ange:

1. Pair strategy: Hei hi a pair azirin ka strategy ka ti danglam chuang lo. A volume a tam leh tam loh a zir in ka time frame ka adjust zawk. Ka hun neih dan a zirin a time frame hi ka ti danglam thin bawk.

Volatility sang lutuk ah erawh chuan timeframe 3 a rual in ka en.

2. Trading Platform: Hetah hi hman ber sawi tur pawh ka hre lo. Excel a tangin ka tan a, chumi hnu ah a hrang hrang ka hmang kual. Forex tan hian Metatrader ka hmang a, a dang a hi chuan ka datafeed a zir in a hran hran ka hmang kual.

3. Pivot points: Pivot ka hman chuan thil dang ka hmang kawp lo. Tin, Fibonacci ka hman chuan pivot ka hmang lo bawk. Pakhat chiah ka hmang. Ka ngaihdan ah chuan pakhat hman tawh chuan an in ang vek in ka hria. Murrey Math tih pawh hi pivot leh Fibonacci nen a in ang reng in ka hria. A in ziah dan a dang deuh ni mai in ka hria. Overbought oversold tih vel pawh a pelh chuan Octave, Baseline tih vel a awm ve leh zel tho.

Pivot R2 leh +2/8 ah chuan a rawn kal na a zir ani mai lawng maw?. Indicator dang in rawn confirm thei se, tih tur chu a hriat mai ang. Pivot leh retracement ho a mal in ka en ngai lo hrim hrim a, comment dan vak pawh ka hre lo.

4. Gartley Pattern: Hei pawh Fibonacci retracement leh extension atang a chhuak tho ania, chuvangin ka ngai pawimawh em em lo. A mimal hman thiam leh nuam tih zawk hi a pawimawh ka ti ve tlat, kei chuan.

AB = CD: Major wave ni ta se, Elliott wave lampang zawng a ngaihtuah chuan Wave 1 = Wave 3 tih na a nia, chuvang in retracement % a zir in D hi tlem a rawn in retrace leh chuan wave thar sei deuh hmuh beisei ani (A hi a wave in tan na tak anih chuan). A lo fuh hlauh palh chuan Elliott Impulse wave completion nen a in ang der mai lo maw 🙂

Breakout and pull back, chart pattern: Hei pawh hi a chung a ka sawi tawh ang khan a mal in ka en lo. Indicators dang in a confirm chauh in action ka lak ka ring.

Happy trading.

Comment from admin
Time January 12, 2010 at 3:31 am

@Lalthan, he blog i rawn tlawh hi lawmthu ka lo sawi nawn leh teh ang, mahni tawng a sawipui theih tur awm se kan tihna hi a rei lutuk tawh a, MT4 user kan pung leh ta! Chart en tar thak mai ang u hmiang LOL. Nia zawhna chungchang ah kha chuan min lo hre thiam mai 🙂 internet a nih hi, mi chi hrang2 kan tawng nasa tawh a 🙂 NOI

Happy Trading

Comment from lalthan
Time January 13, 2010 at 2:12 pm

I ti lawmawm e. Mahse i update khat anih hi :). Han update regular deuh hlek teh.

A theih phei chuan i trade report hi rawn tarlang thin la, chart ah i entry leh exit nen. A strategy explain pawh a ngai chuang lo (tih fuh chauh ni lovin, tih sual pawh :)). Mizo tawng a chhiar pawh a chakawm alawm le.

Eng forex broker nge i hman?. Spread nge commission? Tin scalping an phal em? (A personal deuh hlek i tih chuan reply kher pawh a ngai chuang lo)

Comment from admin
Time January 13, 2010 at 9:41 pm

Tehreng mai, hunawl neih deuh hlek ah rawn update leh dawn nia. maawma@gmail.com ah khan min rawn email lok mai, mumal deuh in rawn chhang ang.

Write a comment





*

You can add images to your comment by clicking here.