C.Lalawmpuia's Blog

(Maawma ninhlei na hmun)

Skip to: Content | Sidebar | Footer

The Bears Growl: Update 1

11 June, 2011 (22:08) | Bulls and Bears | By: admin

Unit Link Insurance Policy leh Mutual Fund ah kan investment ve ang chhun chhun te hi eng company pawh ni se India stock market (BSE/NSE) ah zuk lut an nih avangin Nifty/Sensex che hian a tiche ta ringawt mai a, ULIP/Mutual Fund a investment a punna leh hloh theihna chu he Index (Nifty/Sensex) che hian a rawn hril ta thin a ni. Nifty /Sensex te hi ULIP leh Mutual Fund (Diversified Equity bik) punna tehna ber Net Asset Value (NAV) tiche tu hi a ni. Sensex/Nifty a chet zawng hian eng company Mutual Fund leh ULIP tawh phawt NAV hi a che ringawt! Nifty/Sensex a san in NAV a sanga, Nifty/Sensex a hniam in NAV a hniam ve leh mai thin. Hemi hi Diversified Equity ah chuan a ni deuh vek a ni. Awlsam zawngin NAV tiche tu ber hi Nifty leh Sensex te hi an ni. Nifty/Sensex hniam laia Mutual Fund leh ULIP a bikin Diversified Equity ho bikah NAV lo sang tlat hmuh tur a awm lo.          

India stock market awm dan tur Analysis chu tan leh tawh ang le:           

Ziah thui hma in “The Bears Growl” thuziak hi chhiar phawt ni se, tuna thuziah hi a lo fiah leh zual nan. Click here           

Dt 10th April 2011 ah khan a hnuai a kan hmuh ang khuan “The Bears Growl” thu ziak hmangin “India stock  market hian  san lam a pan vak lo maithei a ni” tih lam zawng in rinthu lo ziah lan ve mai mai a nia, a hnu lawk ah a rawn tla thla leh ta reng a! Khami thuziak lo chhiar te kha chuan Mutual Fund leh ULIP ah investment thar in lo lei loh ka beisei.            

A hnuai milem hi The Bears Growl ziah hnu leh nimin Dt 10th June 2011 thlenga India Stock market Nifty close na 5483.7 thleng a ni.           

Timeframe: 1 Day (Time frame awm zia hi The Bear Growl thuziak ah khan ziah lan a ni e)          

Click on Pic to enlarge

 

“Khawnge Wall Street Guru (FII) ho in India stock market a kan investment neih ve ang chhun te te an rawn chinpawr leh hma in lo inralrin tum ang u aw”.         

Nifty Technical Analysis with Chart Pattern Triangle:
Timeframe: 1 Week
Tunkar kal ta thleng khan Nifty chart ah chuan Chart Pattern lar tak Symmetrical Triangle a rawn lang ta hlawl mai le! Chart a kan hmuh ang khuan Trendline 1 leh Trendline 2 khuan Triangle a rawn tih lan tawh chuan Trader ho in hamthat na atana an lo hman na thin chu: triangle rawn lanna trendline 1 or 2 atanga price a rawn zuan chhuah chiah hian Position an lo hawng thin a ni. BUY tur a nih chuan Trendline 1 (Resistance) zawk hi Bullish candle stick in a rawn breach (tawntlang) an nghak a, tah chuan an lo BUY thin, chutiang bawkin Short SELL tur a nih chuan Trendline 2 hi Bearish candlestick in a rawn breach veleh an lo Short SELL ta thin a ni. He thuziak hi Mutual Fund leh ULIP tin zawna ziah a nih vangin Trendline 2 (Support) zawk hi Nifty in a rawn breach/break a nih chuan Short SELL ve theih a ni lova, a tlak thlak zel tawp kha Entry (BUY) dawn chuan la nghah zawk mai tur a ni.

       

Chart Pattern Triangle chungchang chhiar chhunzawm duh tan Click here

Click on Pic to enlarge

       

Nifty Forecast:         

Nifty Price hian Trendline 2 (Support) zawk hi a breach/break maitheih a rinawm zawkna chhan lo thlir leh ta i la.         

Analysis with Simple Moving Average         

Timeframe: 1 Day        

Simple Moving Average chhut dan chu hetiang hi a ni, 100 SMA tih a nih chuan ni 100 chhung closing price belhkhawm kha 100 a sem tur a ni , chumi chu line in a rawn lang ta thin a ni. Moving average hi eng market ah pawh trend en nan a hman nasat ber te zinga ami a ni.         

http://www.investopedia.com/terms/s/sma.asp         

http://stockcharts.com/school/doku.php?id=chart_school:technical_indicators:moving_averages         

 SMA 100 leh 200 hi a hnuai zawngin a in cross tawh tlat mai a, Moving Average Crossover a awm tawh chuan “never trade against the cross of the moving average” an ti thin. A awm zia chu SMA 100 leh SMA 200 hi chho zawnga crossover a nih chuan Uptrend, chutiang bawkin chhuk zawnga crossover a nih chuan Downtrend,  SMA crossover against zawng chuan trade loh tur an tihna a ni.       

Click on Pic to enlarge

 

SMA 100 leh SMA 200 tun hma crossover tawh na thlir let zawk ta i la, 2008 Bear Market leh 2009 Bull market te kha a ni!       

Click on Pic to enlarge

 

 Nifty hian chung lama milem tihlan tawhna a ziahlan Trendline 2 khi a rawn break a nih chuan “The Bears Growl” a Finonacci level rawn tarlan ah te khan Support lo chan chu a fuh dawn ta a ni.     

Awle tuna mi zawng kha tun dinhmun maia India Stock market lan dan chu a la ni hrih a, ULIP leh Mutual Fund (SIP tiam lohin) a investment ti thar duh te tan chuan a la hun lo ka rawn tihna ber a ni e.  

Dt 17 June 2011 Update:  

 Analysis with Chart Pattern  

Timeframe: 1 Day  

He post hi Dt 11th June 2011 a ziah nimahse, tun Friday (Dt 17th June 2011) ah khan Techninal Analysis a Chart Pattern lar em em mai Head and Shoulder a rawn lang leh ta hlawl mai!  A thar a post hran leh ai chuan tuna mi hi a la rei lo tho bawk a, update in telh ve zeuh zawk mai ang. 

Head and shoulder pattern a ngaih pawimawh ber a “Neckline” pawh a break leh tawh a ni. Head and shoulder chhiar chhunzawm zel duh tan hetah hian chhiar tur a awm e.  

http://www.chartpatterns.com/headandshoulderscharts_.htm  

http://stockcharts.com/school/doku.php?id=chart_school:chart_analysis:chart_patterns:head_and_shoulders_t  

Click on Pic to enlarge

Comments

comments

Comments

Comment from caribou
Time June 12, 2011 at 10:44 pm

A bengvarthlak viau rualin keini anga duang tan chuan a technical hi a sangin a ril lutuk a, hriatthiam mai mai pawh hi a har khawp mai. Mahse, i thuziak reng reng, reference awm thlap tura chart nena i rawn bei thlap thin hi chu, a fiah faiin a rintlak thei bik khawpin ka hria.

Thil pakhat han zawh mai mai che ka duh a. Nitina market chevel up and down hian MF NAV nge a nghawng nasat zawk anga direct equity unit/share zawk hi le? MF ah chuan a rualin company 7-10 vel lai ah te invest a ni si a. Thenkhat a san viau laiin thenkhatin a lo pawt hniam thei tho awm si a.

Comment from admin
Time June 13, 2011 at 5:20 pm

@Caribou: Zawhna tha tak a ni. Thiam ang tawkin sawifiah ka’n tum dawn chhin ange. Stock market a Company awm ho hi Sector hrang hrang a then an nia, Chungte chu FMCG, Auto, Metal, Oil, Power,Banking etc te an ni. Heng ho hian a hranpa in Index an nei vek a, entirnan Banking sector index chu BSEBankex and BankNifty. Chutiang zelin IT index chu BSEIT a ni leh ta a, chutah chuan NIFTY/SENSEX kan tih tak a hi heng sector ho zawng zawng Index lo khai khawm leh chhawng tu an rawn ni ta tih na a ni. Entirnan Direct in Stock lei dawn ta ila Bank stock kan lei dawn chuan BSEBankex/BankNifty leh Nifty/Sensex en phawt hnu ah entry signal a awm chuan Bank chi hrang hrang SBI/AXIS/HDFC/ICICI etc ho stock ah khan srong entry signal va zawn tawh mai tur a ni. Heng hi Sector ho chu: Click Here

Stock market a sector a inthen behchhan ang chiah hian Mutual Fund pawh hi then hran an ni leh ta a, Reliance Equity Banking hi thlan chuan Banking sector ah kan zuk invest tihna a lo ni ta, Bank hrang hrang stock ah kan zuk invest tihna, banking sector ah chuan BSEBankex/BankNifty che kha a pawimawh ta ni. Sector dang base Mutual fund thlan chuan khami sector Index a kha a rawn pawimawh ta zel tihna. Hei hi Reliance Mutual Fund Banking bik Click here

Hei hi Nifty Chart leh BankNifty Chart khaikhinna a ni: Click Here

Nitin market che (Nifty/Sensex) kan entak ber a chu sector ho ni lovin a zavaia market index a nih tak avangin a nghawng nasat ho bik a chu diversified equity ho kha a ni ber, diversified equity a nih chuan sector bik chauh ni lo a hlawm pumpui che kha a ni ta ber, chuvang a nia Diversified Equity ka rawn tih deuh zel na chhan pawh. HDFC Mutual Fund poh hi han en leh ta i la Diversified equity ho chu a hriat thiam nghal theih mai ang. Click Here

Chuan ULIP ho bik chu ka hmuh theih chinah chuan heng Mutual Fund ai hian a la darhsarh (diversified) leh zual zawk fe ta a ni. HDFC SL Growth Life Portfolio hi a hlui deuh hlek tawh nangin rawn ti lang ta tho i la a . Click Here

ULIP pawh nitin market che ah chuan sector ho index che ai chuan a kungpui ber index (Nifty/Sensex) che chuan a ti che nasat zawk hmel

Comment from admin
Time June 13, 2011 at 7:07 pm

Ka sawi hmaih pakhat: Hmanni lawk pawh khan hei tuna kan hmuh theuh angin Nifty leh Banknifty a bearish em em a, chutih lai chuan State Bank of India in an quarterly result an rawn phawrh a, a tuk lawk ah an share kha 2.77% in a rawn chho nghal dawrh, mahse hetah hian bank dang ho kha an chet that chuan loh vang leh overall market sentiment kha a bearish em vangin a chho thui thei chuang lo, a tla leh tho tho. Vawiin close na phei chu 2221 a rawn ni, hmanni a rawn chhoh zawk khan an stock price kha Rs 2669 ah te a han thleng hman ani. Hei hi a nia a dang ho zawng a hniam chuan pakhat hian a pawt chho thui thei lo, hemi vang hian sector index hi a pawimawh tel khawp mai. Read more at economictimes

Comment from caribou
Time June 19, 2011 at 4:33 pm

Ka zawhna te tha taka min chhan avangin ka lawm e. “Sensex inang rau rauah leh leina zat inang rau rau ah, lei ni leh hralh ni inang chiah ah, leina zat inang chiah bawk se, Direct equity lei nge hlawk zawk ang a MF diversified equity li hi?” tih lam pang hi ka zawhna deuh chu a nia.

Comment from admin
Time June 19, 2011 at 8:59 pm

Direct equity/share lei a hlawk zawk daih: Feb 2009 bull market intan lai khan Tata Motors stock price hniam lai berin Rs 126 atangin Dec 2010 khan High price kha Rs 1381 a han ni leh phak! 996 % vel a ni, tatamotors lo pawh hi company dang a tam ang, an vaiin ka en chhuak vek ta lo mai. Hetiang zat hi MF ah chuan kum 3 chhung in a thlen phak loh hmel. Mutual Fund (diversified equity) hi chu Sensex chetna percentage nen hian a in thlau tam lo thin khawp mai, sensex 30% a chet chuan Mutual fund poh 30-40% vel a che ve duh lutuk mahse a percentage hi a dik thlap thlap a chhut chu a theih loh tluk a ni. Sector hi a in perform that chhawk tlat thin a.

Comment from caribou
Time June 20, 2011 at 5:01 pm

Min hrilhfiah chiang ta khawp mai. Ka lawm e.

Write a comment





*

You can add images to your comment by clicking here.